Dünya
Kadırov Putinə müraciət etdi: “Kömək edin”
Çeçenistan Respublikasının rəhbəri vəzifəsini icra edən Ramzan Kadırov Rusiya prezidenti Vladimir Putindən üç layihənin reallaşdırılması üçün kömək istəyib.
Publika.az xəbər verir ki, bu barədə “Kommersant” qəzeti yazıb.
Nəşr bildirir ki, Kadırov Putindən “Çeçennefteximprom” şirkətinin respublikaya verilməsi, Qroznı aeroportunun bərpası və 25 min insanın sürüşmə zonalarından köçürülməsinə kömək göstərilməsini xahiş edib.
Kadırov müraciətində bildirib ki, Putinin 2015-ci 10 dekabr tarixində verdiyi tapşırığına baxmayaraq, hökumət “Çeçennefteximprom”un səhmlərinin respublikaya ötürülməsini təmin etməyib. Rusiya Energetika Nazirliyindən də bildirirlər ki, səhmlərin ötürülməsi haqqında məsələ Çeçenistan Respublikası ilə uyğunlaşdırılıb və sənədlər ötən ilin sonunda İqtisadiyyat Nazirliyinə göndərilib.
Qeyd edək ki, hazırda Çeçenistanda neft ehtiyatları təxminən 60 milyon ton qiymətləndirilir. Burada neft hasilatı ilə “Qroznefteqaz”ın 51 faizinə sahib olan “Rosneft” məşğul olur.
Kadırov həmçinin qeyd edib ki, Qroznı aeroportunun bərpasının ikinci mərhələsi barədə qərar hələ qəbul edilməyib. Vətəndaşların sürüşmə zonalarından köçürülməsinə gəlincə, çeçen siyasətçi bildirib ki, 2015-ci ildə bu məsələnin həlli üçün iki milyard rubl (təxminən 30 milyon dollar) ayrılıb, amma bu vəsaitlə yalnız 3869 insanı köçürmək mümkün olub. Onun sözlərinə görə, sürüşmə prosesləri fəallaşıb və əgər təcili ölçülər qəbul edilməsə, bu itkilərə səbəb ola bilər.
Ömər Dağlı
-
Rəsmi xronika18:32
Rumen Radev İlham Əliyevə zəng etdi
-
İdman17:06
"Qarabağ"ı yıxan futbolçu İstanbul nəhənginin hədəfində
-
Sosial16:36
Güclü külək əsəcək, çaylardan sel keçəcək - XƏBƏRDARLIQ
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq