Dünya
Makkeyndən Pekinə hədə: “Dərhal cavab verməlidir”
“Əgər Pekin Cənubi Çin dənizini özünün zonası elan edərsə, ABŞ Çinin dəniz hegemonluğuna qarşı təcili etiraz etməyə məcburdur”.
Publika.az xəbər verir ki, bu haqda Arizona ştatından olan amerikalı senator Con Makkeyn “Financial Times” qəzeti üçün yazdığı məqaləsində bildirib.
Onun sözlərinə görə, ABŞ Cənubi Çin dənizinin mübahisəli zonalarında Çinin iddialarına dərhal etiraz etməyə hazır olmalıdır. Siyasətçinin fikrincə, Pekin bölgədə vəziyyəti hərbiləşdirməyə davam edir.
“Obama administrasiyası risk etməyə qorxur. Bu siyasət dəniz hegemonluğuna nail olmaq istəyən Çinin cəhdlərini saxlaya bilmir. Hazırkı vəziyyət isə regional partnyorlar və Amerikanın müttəfiqlərini təşvişə salıb”, - Makkeyn yazıb.
Siyasətçi vurğulayıb ki, Asiya-Sakit okean regionunda ABŞ-ın siyasəti üçün iki aylıq dövr başlayır. İyun ayında Haaqa Arbitraj Məhkəməsinin Daimi Palatası Cənubi Çin dənizində Filippin və Çin arasındakı ərazi mübahisəsi üzrə hökm çıxaracaq. Filippin 2013-cü ilin yanvarında beynəlxalq tribunala müraciət edərək Çinin Cənubi Çin dənizindəki iddialarına qarşı çıxıb. Ancaq rəsmi Pekin beynəlxalq arbitrajda bu məsələnin həlli imkanını qəti surətdə rədd edir.
Qeyd edək ki, Çin, Yaponiya, Vyetnam və Filippin arasında Şərqi Çin və Cənubi Çin dənizlərində məsuliyyət zonaları üzrə fikir ayrılıqları var. Pekin hesab edir ki, bir sıra ölkələr, o cümlədən Filippin və Vyetnam regionda gərginliyin artırılması üçün ABŞ-ın dəstəyindən şüurlu olaraq istifadə edirlər.
Ömər Dağlı
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?
-
Magazin123 Aprel 23:36
Tünzalə imicini dəyişdi - FOTO
-
MDB23 Aprel 23:12
Şoyqunun müavini SAXLANILDI - Külli miqdarda rüşvət alıb
-
İdman23 Aprel 22:48
Son çempion boşanır: uşaqlıqdan başlayan nağıl bitir