Putinə şok XƏBƏRDARLIQ: “Bu, intihar olacaq!”

“Bizdə dövləti saxlamaq üçün güclər kifayət qədərdir. Əgər Putin yeni əraziləri ələ keçirməyi fikirləşərsə, bu intihar olacaq”.

Publika.az xəbər verir ki, bunu Ukrayna Təhlükəsizlik Xidmətinin sədrinin məsləhətçisi Yuri Tandit “112 Ukrayna” telekanalının efirində deyib.

Onun sözlərinə görə, Ukraynanın Silahlı qüvvələri düşmənin hücumlarının dəf edilməsi və ölkənin ərazi bütövlüyünün saxlanılması üçün kifayət qədər yaxşı silahlanıb. Yuri Tandit qeyd edib ki, hər şey işğal olunmuş torpaqların tezliklə azad olunacağını göstərir.

Tandit qeyd edib ki, hərbi əməliyyatlarda iştirak edən döyüşçülərə pul ödənilməsində ləngimələr olduğu üçün separatçı bölgələrin hərbi qüvvələri arasında pozğunluq yaranıb.

“Bu gün, dünən və srağagün kifayət qədər aktiv atəş olub. Bunu həm də qadağan edilmiş silahlarla edirlər. Aktivlik onunla bağlıdır ki, təbiət nəfəs almağa başlayıb, onlar Ukrayna ordusunun tezliklə hücuma keçəcəyindən qorxurlar. Quldur dəstələri arasında pozğunluq yaranıb, onlara aprel ayı ərzində ödəmələr olmayıb, fərarilik artıb”, - Tandit deyib.

Ömər Dağlı