• USD 1,7000 0,00% EUR 2,0142 +0,76%
    • GBP 2,2029 +0,28% RUB 0,0227 +0,44%

Rusiya casusu Türkiyədə ələ keçdi

  • Dünya
  • 24 Aprel 2016 11:06
  • 991 Baxış
Rusiya casusu Türkiyədə ələ keçdi

İstanbul polisi Rusiya casusu olduğu və bu ölkədəki çeçenlərə qarşı sui-qəsd törətmək məqsədi ilə Türkiyəyə gəldiyi iddia edilən Makharbi İsayevi saxlayıb.

Publika.az-ın Türkiyə mediasına istinadən verdiyi məlumata görə, aprelin 11-də İstanbula gələn 1989-cu il təvəllüdlü M.İsayev İstanbulun Fatih rayonundakı bir oteldə saxlanılıb.

Şübhəli M.İsayevin oteldəki nömrəsində çiyin çantasında Vizor markalı tapança da aşkarlanıb. Türkiyə Milli İstihbarat Təşkilatının (MİT) da iştirakı ilə M.İsayevlə bağlı araşdırma aparılır.

Qeyd edək ki, aprelin 8-də İstanbulda MİT və İstanbul polisinin apardığı birgə əməliyyat zamanı çeçen komandirlərdən olmuş Vahid Edelgirievin öldürülməsində iştirak etdikləri ilə əlaqədar Yurii Anisimov və Aleksandr Smirnov saxlanılıb. Rusiya casusu olduqları iddia edilən bu iki şəxsin yeni sui-qəsd həyata keçirmək planları olduğu bildirilib.

Halal Nemət

Xəbər lenti

DAHA ÇOX XƏBƏR