Dünya

Yaponiyada G7-nin sammiti işinə başladı – RUSIYASIZ

26 May 2016 11:40

Yaponiyanın İse-Sima prefekturasında G7-nin (“Böyük yeddilik”) sammiti işinə başlayıb.

Publika.az “RİA-Novosti” agentliyinə istinadən xəbər verir ki, Yaponiyanın baş naziri Sindzo Abenin sədrliyi ilə keçirilən sammitdə ABŞ prezidenti Barak Obama, Fransa prezidenti Fransua Olland, Almaniya kansleri Angela Merkel, Böyük Britaniyanin baş nazir Devid Kameron, İtaliyanın baş naziri Matteo Rensi və Kanadanın baş naziri Castin Tryudo iştirak edir.

Sammitdə müzakirə ediləcək əsas mövzu dünya iqtisadiyyatının problemləri və onun inkişafına yönələn səylər olacaq. Tərəflər həmçinin Cənubi Çin və Şərqi Çin dənizlərində Çinin fəallığının artmasına diqqət yetirəcəklər.

Gözlənildiyi kimi, dövlət başçıları terrorizmlə mübarizə məsələlərini də qaldıracaqlar. Sammitdə həmçinin Suriya probleminin həlli, Koreya Xalq Demokratik Respublikasının nüvə və raket proqramları, miqrant problemi diqqət mərkəzində olacaq.

Ömər Dağlı