Rus milyarder Putindən şikayətləndi
Bizi izləyin

Dünya

Rus milyarder Putindən şikayətləndi

Rusiyalı milyarder, “Severstal”ın baş direktoru Aleksey Mordaşov ölkədəki işgüzar mühitdən şikayətlənib.

Publika.az xəbər verir ki, milyarder ABŞ-ın “Financial Times” nəşrinə müsahibəsində Rusiyadakı işgüzar mühiti əlverişsiz kimi xarakterizə edib.

Onun fikrincə, məhkəmə və hüquq-mühafizə sistemində islahatlar olmadan ölkədə iqtisadi artım qeyri-mümkündür.

Bundan başqa, milyarder bildirib ki, qərb sanksiyaları Rusiyanın diqqətini siyasətin xeyrinə yayındırır.

Qeyd edək ki, Mordaşov “Severstal” poladtökmə və dağ-mədən şirkətinin əsas səhmdarıdır. “Forbes” Rusiyanın ən zəngin insanlarından olan biznesmenin sərvətini 12,5 milyard dollar qiymətləndirir.

Mayın 10-da biznes-ombudsman Boris Titov biznes mühitlə əlaqədar məruzəni təqdim edib. Məruzədə qeyd edilirdi ki, 2015-ci ildə biznesə görünməmiş təzyiq olub. Onun məlumatına görə, sahibkarların cinayət təqibi son yeddi il ərzində davamlı şəkildə azalırdı, amma keçən il 20 faiz artıb.

Ömər Dağlı

Oxumağa davam et
Reklam
Reklam

Gündəm