Britaniya hökuməti təkrar referendumdan imtina etdi
Bizi izləyin

Dünya

Britaniya hökuməti təkrar referendumdan imtina etdi

Böyük Britaniya hökuməti krallığın Avropa İttifaqından çıxması ilə bağlı təkrar referendumun keçirilməsi ilə bağlı petisiyaya mənfi cavab verib.

APA-nın məlumatına görə, petisiyaya cavab sənədin yerləşdirildiyi saytda dərc olunub.

Cavabda deyilir ki, bu cür səsvermələr baş nazir Devid Kemeronun da dediyi kimi, əsrdə bir dəfə baş tutur: "Devid Kemeron iyunun 27-də parlamentdə çıxışı zamanı bildirib ki, 33 milyon insanın iştirak etdiyi referendum ölkə tarixinin ən böyük demokratiya təcrübələrindən biri oldu. Qərara hörmətlə yanaşmaq lazımdır".

Bildirilir ki, hökumətin etirazına baxmayaraq, petisiya 100 mindən artıq səs topladığı üçün parlamentdə müzakirəyə çıxarılacaq.

Qeyd edək ki, təkrar referendumun keçirilməsi ilə bağlı petisiyanı 4 milyondan çox şəxs imzalayıb.

Xatırladaq ki, iyunun 23-də keçirilən referendumda seçicilərin 51,9%-i Böyük Britaniyanın Avropa İttifaqından çıxmasını dəstəkləyib.

Oxumağa davam et
Reklam
Reklam

Gündəm