Dünya

Rusiyanın ən çirkli şəhərində – FOTOLAR

26 Avqust 2016 00:38

Rusiyalı fotoqraf Elena Çernişova 2 həftəsini Rusiyanın ən çirkli şəhəri Norilskdə keçirərək oradakı çətin həyat şərtləri ilə tanış olub.

Publika.az xəbər verir ki, 1935-ci ildə Şimal qütbündə kölə işçilərin düşərgəsi olaraq salınan Norilsk hazırda Rusiyanin ən böyük sənaye şəhəridir.

Burada ilin iki ay qaranlıq keçir. Temperatur isə tez-tez -55 dərəcəyə düşür.

Şəhərin 180 min əhalisi var. Onlar həyatda qalmaq üçün hər gün soyuq və çirkli hava ilə mübarizə aparmalı olurlar. Havanın nə qədər çirkli olduğunu təsəvvürünüzə gətirməyiniz üçün təkcə bu faktı qeyd edək ki, burada qar bəzən qara rəngdə yağır.

Buradakı mədənlərdə işləmək o qədər çətin və təhlükəlidir ki, işçilərin pensiya yaşı 45-ə endirilib. İşçilərə rəsmi olaraq 90 gün tətil haqqı verilib.

Həkimlər bildirirlər ki, iki ay Günəş görməmək əhalidə bır sıra sağlamlıq problemləri yaradır. Onlar yuxusuzluqdan və depressiyadan əziyyət çəkirlər.

Uşaqlar tənəffüs problemlərindən əziyyət çəkir, mis mədənlərinin yaxınlarında yaşayanlarda isə qulaq, burun və boğaz xəstəlikləri meydana gəlir.

Ölkənin digər şəhərləri ilə müqayisədə burada insanların ömrü 10 il daha qısadır.