ABŞ prezidenti Barak Obama bəyan edib ki, onun rəhbərlik etdiyi administrasiya Türkiyə hökumətinə 15 iyulda baş vermiş dövlət çevrilişinə cəhdin təqsirkarlarının məsuliyyətə cəlb olunmasına kömək etmək niyyətindədir.
Publika.az xəbər verir ki, bu barədə “France Press” məlumat yayıb.
Məlumata görə, ABŞ prezidenti Türkiyənin dövlət başçısı Rəcəb Tayyib Ərdoğanla görüşündə bu barədə vəd verib.
“Biz bu hərəkətlərə kimlər tərəfindən təşəbbüs edildiyini və kimlərin məsuliyyətə cəlb olunduğunu araşdıracağıq” – deyə Obama Türkiyə lideri ilə danışıqlarda bildirib.
Qeyd edək ki, Obama və Ərdoğanın görüşü “G20” sammitinin Çinin Qançjou şəhərində keçirilən görüşü çərçivəsində baş tutub. Bu, Türkiyədə hərbi yolla dövlət çevrilişinə cəhddən sonra iki ölkə başçısının ilk görüşüdür.
Anar Tağıyev
