Dünya
Putinin köməkçisinə verilən sümük, Terezanın ayaqları və ət davası... – G-20-nin pərdəarxası
Çinin Xan Çjou vilayətində keçirilən G-20 (Böyük
İyirmilik) sammiti bir çox maraqlı və qalmaqallı anları ilə yadda
qalıb.
Publika.az xəbər verir ki, Rusiyanın
“Kommersant” nəşri sammitin ilk günündə - sentyabrın 4-də baş
verənləri qələmə alıb.
***
Rusiya prezidenti Vladimir Putin Çinə gələn kimi ilk olaraq Türkiyə
prezidenti Rəcəb Tayyip Ərdoğanla görüşdü. Görüşün başlanmasından
yarım saat əvvəl Rusiya nümayəndə heyəti artıq görüşün olacağı
otağa toplaşmışdılar. Energetika naziri Aleksandr Novak,
“Rosatom”un rəhbəri Serqey Kiriyenko, “Qazprom”un sədri Aleksey
Miller burada idi. Təəccüblü şəkildə hər kəs xoşbəxt görünürdü.
Miller nə haqdasa danışır və hey gülürdü. Sanki Qərbin
sanksiyalarından əziyyət çəkən şirkətin rəhbəri o deyildi. Aleksey
Miller “Rosneft”in rəhbəri İqor Seçini görən kimi onu qardaşı kimi
qucaqladı. İkisi də eyni ölkədən gəlməsinə baxmayaraq, sanki
illərlə bir-birilərini görmürdülər.
Daha sonra xarici işlər naziri Sergey Lavrov gəldi. Türklər gözə
dəymirdi, sonra isə onlar hamısı birlikdə otağa daxil oldular.
Vaxtilə bir-birinə düşmən kimi baxan Mövlud Çavuşoğlu ilə Sergey
Lavrov bu dəfə gülərüz salamlaşdı. Hətta bir-birini baxışları ilə
əzizləyirdilər. Əgər nifrətlə sevgi arasında bir addımlıq məsafənin
olduğunu düşünsək, bu, o qədər də təəccüblü deyil.
Türklərlə ruslar arasında qəribə atmosfer var idi. Onlar sanki
heç nə olmamış kimi davranır və bir-birilərini inandırmağa
çalışırdılar ki, həqiqətən də heç nə baş verməyib, hər şey
əladır.
Və budur liderlər gəldi. Ərdoğanla Putin çox səmimi münasibət
göstərirdilər. Ərdoğan kəşfiyyat şefi olan Hakan Fidanı təqdim
edəndə Putin onunla zarafat etdi. Ona bildirdi ki, indi nə haqdasa
danışmağa sözləri yoxdur, çünki hər şeyi Ərdoğanla müzakirə edib.
Ərdoğan isə əvvəlcə susdu və onun nümayəndə heyətində bir saniyəlik
gərginlik yaşandı. Zarafatı tərcümə edəndən sonra isə hər kəs
gülüşdü.
***
Çin lideri Si Szsinpinlə görüş dondurma məsələsi ilə yadda qaldı.
Belə ki, Putin qəfil çinli həmkarına dedi ki, ona dondurma hədiyyə
gətirib. Deyib ki, Vladivastokda çinli biznesmenlər rus
dondurmalarını Çinə aparmaqda onlara maneəçilik törətdiklərindən
şikayət edib. O da söz verdiyi kimi Çin liderinə rus dondurması
hədiyyə edib.
Çin lideri cavabında rus dondurmalarını sevdiyini bildirdi.
“Ən çox da qaymaqlı olanı” – deyə Çin lideri dəqiqləşdirir.
***
40 dəqiqə sonra şəhərin mərkəzində G-20-liyin birinci iclası
keçirilməli idi. Ona qədər Şanqri-Lan” mehmanxanasında Putini Böyük
Britaniyanın baş naziri Tereza May gözləyirdi.
Bu qadın çox təsirli idi, hətta Merkeldən belə. Maraqlıdır ki,
o, söhbətə başlayanda görüşən kimi əyləşdi. Güman ki, bununla öz
təcrübəsizliyini nümayişkaranə şəkildə biruzə verirdi: “bəli, mən
təcrübəsizəm”. Amma onun hədəfi bununla öz həmsöhbətini ələ almaq
və onu üstələmək idi.
Onun ayaqları görünür və bu ayaqlar Terezanın gənc olduğuna
işarədir. Bəlkə də onu irəlidə dəmir, mis, yaxud polad qadın deyə
çağıracaqlar, amma bu görüşdə onun əyləşməsi həqiqətən bir başqa
cür idi. Çünki o, hər şeydən əvvəl bir xanımdır. Amma o, fotogenik
deyil, daha çox telegenikdir.
***
Danışıqlar arasında fasilələr olur. Budur, Rusiya prezidentinin
köməkçisi Vladislav Surkov futbolka və krosovkalarla liftdən çıxır.
Angela Merkellə Putinin görüşü öncəsi o, çox yorulub və Süxi
gölünün kənarında dincləməyə gedir. Axı, bu görüş mühümdür, çünki
onun məsuliyyət daşıdığı zonanı – Ukraynanı müzakirə
edəcəklər.
O, “Time” jurnalının onun bu yaxınlarda Yunanıstanın Afon
bölgəsində olması haqda xəbərlərə ayaqüstü münasibət bildirir.
Deyir ki, Afonda lap əvvəllər olub, amma hər şey jurnalın dediyi
kimi deyil.
Vladislav Çin restoranında qarşılaşdıqlarını maraqla danışır.
Belə ki, o, restoranda toyuq sifariş verib, amma əvəzində yalnız
sümük gətiriblər. Ardınca ördək qızartması istəyib, nəticə isə eyni
olub.
“İndi mənə deyin görüm, bunlar ətləri neynirlər?” – deyə o, Süxi
gölünün ətrafında həmsöhbətlərindən soruşur.
Göl ətrafında gəzinti bir saat yarım çəkir.
Daha sonra Merkellə görüş başladı.
- Sabahınız xeyir.
Merkel Putinə dedi.
- Mən ümid edirəm ki, sizin hələ də gücünüz qalıb – Putin
mərhəmətlə dedi – axşamınız xeyir.
- Problem yoxdur, Avropada hələ səhərdir – Merkel deyir.
Onlar yorulublar və xüsusi danışıqlardan öncə nəsə danışıb özlərini
daha da yormaq istəmirlər.
Asif
-
Nəqliyyat08:32
Bu yollarda tıxac var - SİYAHI
-
MDB08:17
Generalın və ailəsinin əmlaklarının üzərinə həbs qoyuldu
-
ABŞ08:05
Rusiya nüvə başlığı daşıya bilən peyk hazırlayır - ABŞ
-
Nida Xəbər 07:50
Peter Siyartonun Azərbaycana rəsmi səfəri başladı
-
Sağlamlıq07:10
Yabanı halda bitən bu bitki xərçəng hüceyrələrini 48 saatda məhv edir!
-
İdman06:40
Bellinqem bu gözəllə münasibətə başladı - FOTOLAR
-
Ekopublika.az06:10
Bakıda taksi qiymətləri BAHALAŞDI - SƏBƏB
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom