İslam Kərimov Putini diz çökdürdü - VİDEO (YENİLƏNİB)

Rusiya prezidenti Kərimovun xanımı Tatyana Akbarovna və kiçik qızı Lola Kərimova ilə görüşərək onlara İslam Kərimovun ölümü ilə əlaqədar başsağlığını ifadə edib.

***

Rusiya prezidenti Vladimir Putin Səmərqənddə Özbəkistanın ilk prezidenti İslam Kərimovun məzarını ziyarət edib.

Publika.az xəbər verir ki, Putin İslam Kərimovun ruhuna ehtiram əlaməti olaraq diz çökərək mərhum prezidentin məzarı önünə gül dəstəsi qoyub.

***

Rusiya prezidenti Vladimir Putin Özbəkistanın Səmərqənd şəhərinə səfər edib.

Publika.az “İnterfaks” agentliyinə istinadən xəbər verir ki, səfər şəxsi xarakter daşıyır və məqsəd Özbəkistanın mərhum prezidenti İslam Kərimovun xatirəsini yad etməkdir.

Qeyd edək ki, Özbəkistanın birinci prezidenti sentyabrın 2-də vəfat edib və sentyabrın 3-də doğma şəhəri Səmərqənddə dəfn edilib. Rusiyanı dəfn mərasimində baş nazir Dmitri Medvedevin başçılıq etdiyi nümayəndə heyəti təmsil edirdi.

Vladimir Putin sentyabrın 3-də Vladivostokda keçirilən Şərq İqtisadi Forumunda iştirak edirdi.

Ömər Dağlı

​