Dünya
İslam Kərimovun vəsiyyəti kənara atıldı və... “Sakit konstitusiya çevrilişi” - VİDEOLAR
Sentyabrın 8-də Özbəkistanda baş verənlər tarixdə “sakit
konstitusiya çevrilişi” olaraq qalacaq.
Publika.az xəbər verir ki, əksər ekspertlər
İslam Kərimovun ölümündən sonra Konstitusiyanın əleyhinə olaraq,
prezidentin səlahiyyətlərinin Senatın sədrinə yox, baş nazir,
Özbəkistanın ən güclü qrupu olan Səmərqənd klanın liderir Şövkət
Mirziyoyevə keçməsini belə şərh edir.
“Fərqanə” agentliyi iddia edir ki, İslam Kərimovun ölümü bir
həftə ərzində gizlədilib: “Prezidentin cəsədi soyuducuda idi.
Məqsəd müstəqillik günündə insanları kədərləndirməmək və bayramı
yaxşı təşkil etmək idi. Gizli məqsəd isə hakimiyyətin
bölüşdürülməsində razılığın əldə olunması idi”.
Görünür belə razılıq əldə olundu. Kərimovun vəfat etdiyi
açıqlandı və konstitusiyanın əksinə olaraq Ş.Mirziyoyev onun
səlahiyyətlərini icra etməyə başladı. Halbuki, Özbəkistan
Konstitusiyasının 96-cı maddəsində deyilir ki, prezident vəfat
etdikdə, yaxud müxtəlif səbəblərdən vəzifəsini icra edə bilmədikdə,
onun səlahiyyətləri avtomatik olaraq, Senatın sədrinə
keçir.
Hər kəs Kərimovdan sonra Senatın sədri Niqmatulla Yuldaşevin
prezident postunda əyləşəcəyi və 3 ay ərzində növbəti seçkilər
keçirəcəyini düşünürdü. Lakin sentyabrın 8-də Özbəkistan
parlamentinin aşağı və yuxarı palatalarının birgə iclasında N.
Yuldaşevin şəxsən özü postdan imtina edərək, onu Şövkət Mirziyoyevə
təklif etdi. O, bu təklifini baş nazirin dövlət idarəçiliyində
təcrübəsinin daha çox olması, əhalinin əsas hissəsi tərəfindən
dəstəklənməsi ilə əsaslandırdı.
Təklif səsverməyə qoyularaq Senat tərəfindən qəbul edildi.
Deputatlar ölkədə sabitliyin saxlanılması, ictimai təhlükəsizliyin
qorunması, iqtisadi inkişafın davam etməsi üçün bu addımın doğru
olduğunu elan etdilər. Hansı ki, bu, birbaşa konstitusiyaya
ziddir.
“Azadlıq radiosu”nun Özbəkistan xidmətinin məlumatına görə,
Şövkət Mirziyoyev təkcə konstitusiyanın 96-cı maddəsini pozmadı, o,
həm də 2010-cu ilin 12 noyabrında İslam Kərimovun Senatın Ali
Məclisinin iclasında çıxışı zamanı irəli sürdüyü tələbi də
pozdu.
İ. Kərimov həmin çıxışında bildirir ki, hər-hansı fors-major situasiyalarda ölkədə idarəçilik konstitusiya ilə parlamentə keçməli, səlahiyyətləri Senatın rəhbəri ələ almalıdır.
Onun sözlərinə görə, bu belə olmasa Özbəkistandakı hər tayfa öz
adamının prezident olmasını istəyə bilər. Parlament isə bütün
Özbəkistan xalqına məxsusdur.
“Fərqanə” agentliyi isə N.Yuldaşevin geri çəkilməsində başqa məqamların olduğunu yazıb.
“Bu, onun öz qərarı deyildi. Görünür, ondan bunu xahiş ediblər. Kim? Güman ki, Milli Təhlükəsizlik Xidmətindən Mirziyoyevin dostları. Halbuki, Mirziyoyev hələ prezident olmayıb, amma artıq qanunları pozmağa başlayıb. O, ölkədə hakimiyyətin mənbəyinin xalq olduğu yazılan konstitusiyaya tüpürdü”, - deyə agentlik bildirib.
Asif
-
İnanc20:24
Ağdam Cümə məscidində ilk Azan - VİDEO
-
Cənubi Qafqaz19:36
Ermənistan hərbçisi Azərbaycanla sərhəddə minaya düşdü
-
Avropa17:21
Makrondan qorxunc iddia: Avropa dağılacaq, köçkünlər olacaq
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO