Putin nüvə müharibəsindən niyə qorxmur? – SƏBƏB

“ABŞ-da son illərdə strateji nüvə güclərinin inkişafı məsələsində sakitlik müşahidə olunur. Bu, Rusiyaya bu aspektdə irəli çıxmağa icazə verib”.

Publika.az xəbər verir ki, bunu “Obozrevatel” nəşrinə şərhində beynəlxalq təhlükəsizlik üzrə ekspert İqor İjnin deyib.

“ABŞ son illərdə nüvə potensialının inkişafı məsələsində dayanıb. Onu hədəfə çatdırmaq üçün vasitələrin yaradılması vaxt, güc və resursların böyük miqdarını tələb edir”, - ekspert izah edib.

İjninin sözlərinə görə, tərəflər arasında təxminən paritet mövcuddur: “ABŞ-da nüvə silahının 750 müxtəlif daşıyıcısı vasitəsi - raketlər və strateji təyyarələr var. Rusiyada bu göstərici 500-dən bir qədər çoxdur. Amma rusiyalılar onları daim yeniləyir”.

Ekspert bildirib ki, nüvə münaqişəsinin başlanması ehtimalı yüksək deyil və nüvə silahı siyasi alət olaraq qalır.

Qeyd edək ki, Rusiya prezidenti Vladimir Putin və ölkənin digər rəsmiləri Ukrayna böhranından sonra Qərbi dəfələrlə nüvə silahı ilə təhdid edib.

Ömər Dağlı