Dünya
“İsrail prezidenti ukraynalıları alçaltdı” – ÜZR TƏLƏBİ
Ukraynanın Radikal Partiyasının lideri Oleq Lyaşko İsraili ukraynalılar barəsində deyilən sözlərə görə üzr istəməyə çağırıb.
Publika.az “Obozrevatel” nəşrinə istinadən xəbər verir ki, partiya sədri İsrail prezidenti Reuven Rivlinin ukraynalıları alçaltdığını bildirib.
Ukrayna Ali Radasında çıxışı zamanı Rivlin bildirib ki, II Dünya Müharibəsi zamanı Ukrayna millətçiləri yəhudilərə qarşı cinayətlərin törədilməsinə kömək ediblər.
“Rivlinin çıxışı ukraynalıları alçaldır, buna görə də mən İsrail prezidentini dövlətimizdən və xalqımızdan üzr istəməyə çağırıram. Bundan başqa, Knesset (İsrail parlamenti – red.) Ukrayna xalqının soyqırımını – Qolodomoru tanımalıdır. Ali Rada hələ 2008-ci ildə yəhudilərin soyqırımını tanıyıb”, - o, “Facebook”da səhifəsində yazıb.
Qeyd edək ki, 2015-ci ilin mayında Ukrayna prezidenti Pyotr Poroşenko “Ukrayna Üsyançı Ordusu”na (UPA, “Ukrayna Millətçiləri Təşkilatı”nın (OUN) qanadı) Ukraynanın “müstəqillik üçün pəhləvanlar” statusunu verib.
2015-ci ilin aprelində isə Ali Rada “XX əsrdə Ukraynanın müstəqilliyi uğrunda mübarizənin iştirakçılarının hüquqi statusu və xatirəsi” haqqında qanun qəbul edib. Qanuna əsasən, XX əsrin əvvəlləri və ortalarında, xüsusən İkinci Dünya Müharibəsi illərində və ondan sonra Ukraynanın müstəqilliyi uğrunda mübarizə aparmış “Ukrayna Üsyançı Ordusu”, “Ukrayna Millətçiləri Təşkilatı”, “Karpatskaya Seç” və digər təşkilatlar dövlət tərəfindən rəsmən tanınıb. Silahlı, paramilitar, gizli siyasi təşkilatlarda, eləcə də fərdi şəkildə mübarizə aparmış bütün insanlar Ukraynanın müstəqilliyi uğrunda mübarizlər kimi şərəfləndirilib.
UPA və onun liderləri - Stepan Banderı və Roman Şuxeviç bir çox siyasətçilər və Böyük Vətən Müharibəsinin veteranları tərəfindən nasistlərlə əməkdaşlıqda ittiham edilir.
Ömər Dağlı
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!