• USD 1,7000 0,00% EUR 2,0259 0,00%
    • GBP 2,3667 0,00% RUB 0,0235 0,00%

İsrailin Türkiyədəki səfiri rəsmən fəaliyyətə başladı

  • Dünya
  • 5 Dekabr 2016 18:54
  • 661 Baxış
İsrailin Türkiyədəki səfiri rəsmən fəaliyyətə başladı

Bu gün İsrailin Türkiyədə səfiri təyin edilmiş Eiatan Nae etimadnaməsini prezident Rəcəb Tayyib Ərdoğana təqdim edib.

Publika.az-ın Apa-ya istinadən verdiyi məlumata görə, mərasimdə İsrailin dövlət himni səslənib. Etimadnamənin təqdim edilməsindən sonra xatirə fotosu çəkilib. Bununla da, E.Nae bu gündən səfir kimi rəsmi olaraq fəaliyyətə başlayıb. Xatırladaq ki, E.Nae daha əvvəl İsrailin Azərbaycandakı səfiri olub.

Türkiyənin İsraildə səfiri təyin edilən Kemal Ökem də dekabrın 12-də etimadnaməsini İsrail prezidentinə təqdim edəcək.

Qeyd edək ki, 2010-cu ildə İsrail xüsusi təyinatlılarının Qəzza zolağına gedən "Mavi Marmara" gəmisinə hücumu nəticəsində 10 Türkiyə vətəndaşı öldürülüb və bundan sonra iki ölkə arasında münasibətlər gərginləşib. İsrailin Türkiyədəki səfirliyi 7 sentyabr 2011-ci ildə ikinci katib səviyyəsində fəaliyyət göstərməyə başlayıb, səfir və birinci katib kimi yüksək səviyyəli diplomatlar Türkiyəni tərk edib. İki ölkə arasında münasibətlərin normallaşdırılması barədə razılaşma bu ilin aprelində əldə edilib.

Halal Nemət

Xəbər lenti

DAHA ÇOX XƏBƏR