Dünya
Avropanın ən gənc “dövlət”i Trampa müraciət etdi
“Liberland” adlı tanınmamış dövlətin başçısı Vit Jedlicka ABŞ prezidenti Donald Trampın komandası ilə əlaqələrə başlayıb və ölkəsinin tanınmasına ümid edir.
Publika.az xəbər verir ki, o, bu haqda “RİA-Novosti” agentliyinə müsahibəsində bildirib.
Daha əvvəl “Washington Post” qəzeti yazıb ki, tanınmamış ölkənin müstəqilliyinin təxminən 20 tərəfdarı Trampın inauqurasiyasında iştirak etmək üçün ABŞ-a gəlib. Onlar Birləşmiş Ştatlardakı tərəfdarların köməyi sayəsində inaqurasiya mərasiminə bilet almağı bacarıblar. “Liberland”ın nümayəndələri hesab edirlər ki, Trampın Vaşinqtonun xarici siyasətinə yeni baxışı onların ölkəsinin tanınması üçün şans yaradacaq.
“Bizim yüksək vəzifəli insanlarla əlaqələrimiz var. Onlar ABŞ prezidenti Donald Trampın administrasiyasında çox əhəmiyyətli rol oynayırlar. Trampın prezident olmasına çox şadıq və ondan istifadə etməyi planlaşdırırıq”, - deyə Yedliçka bildirib.
O, qeyd edib ki, Trampın hakimiyyətə gəlişi yalnız “Liberlend” üçün deyil, həm də başqa ölkələr üçün çox imkan açır:
"Düşünürəm ki, Tramp Kreml barəsində siyasəti kardinal şəkildə dəyişdirəcək və Moskva ilə münasibətləri yaxşılaşdıracaq. İndi o, Britaniya ilə əlaqələri möhkəmləndirməklə məşğuldur. Düşünürəm ki, zamanla bizə də diqqət yönələcək”.
Qeyd edək ki, “Liberland” 2015-ci il aprelin 13-də Avropanın mərkəzində, Xorvatiya ilə Serbiya sərhədləri arasındakı Monostor bölgəsində, Tuna çayı sahillərində təqribən 7 kvadrat kilometrlik bir ərazidə müstəqilliyini elan edib.
BMT-nin üzvü olan ölkələr tərəfindən hələ ki, tanınmayan “Liberland dövləti” 1933-cü ildə bağlanmış Dövlətlərin hüquq və vəzifələri haqqında Montevideo Konvensiyasının tələblərinə görə suveren dövlət hesab olunur. Hazırda “Avropanın ən gənc dövləti” adı ilə daha çox tanınan “Liberland” ölkədə keçirilən ilk prezident seçkiləri ilə də tarixə düşüb. Belə ki, “Liberland”a keçirilən prezident seçkilərində cəmi 2 nəfər səs verir ki, onlardan biri yeni seçilən prezident Vit Jedlickanın həyat yoldaşı Jana Markovicova, digəri isə yaxın dostu Jaromir Miskovsky olur. Beləliklə, Jana Markovicova həm də bu “cırtdan ölkə”nin ilk “first lady”si olur.
Prezident Vit Jedlicka Liberlandın bayraq və gerbini tərtib edərək, ölkəsini Lixtenşteyn, Vatikan və Monakodan sonra “Avropanın ən kiçik ölkəsi” edir. Bu ölkə qurulandan az sonra dünyanın 184 ölkəsindən vətəndaşlıq müraciəti alıb.
Ömər Dağlı
-
Qarabağ 17:13
Xankəndidə ilk körpə dünyaya gəldi - FOTO
-
Qarabağ 16:38
Bu ölkələr Ermənistanı bizə qarşı silahlandırır, gözləyə bilmərik
-
Rəsmi xronika16:13
Biz dörd kənd məsələsini heç vaxt yaddan çıxarmamışıq
-
Nida Xəbər 16:08
SON DƏQİQƏ: Qazaxın azad edilən kəndində bayrağımız qaldırıldı - VİDEO
-
Rəsmi xronika15:28
Biz buna həm də ölkəni təqdim etmək fürsəti kimi baxırıq - Prezident
-
Nida Xəbər 14:46
Göyçə yolu bağlandı: Basarkeçərin 10 kəndi qaytarılır?
-
Kriminal14:33
Azərbaycanda kişi arvadını qətlə yetirməsini lentə aldı - İNANILMAZ FAKTLAR
-
Hadisə14:03
Azərbaycanın Koreyadakı səfirinin ailəsində AĞIR İTKİ