Dünya
Məmurların uşaqlarının xaricdə oxumasını qadağan edən layihə rədd edildi
Dövlət duması məmurların uşaqlarına xaricdə oxumağı qadağan edən qanun layihəsini rədd edib. Rusiya bu ideyanı məqsədə uyğun hesab etmir.
Publika.az xəbər verir ki, Təhlükəsizlik və korrupsiya ilə mübarizə komitəsi Rusiya Federasiyası Kommunist Partiyasının deputatı Valeri Raşkinin irəli sürdüyü qanun layihəsini bəyənməyib.
Deputat dövlət qulluqçularının övladlarını xaricdə təhsil almağa göndərməyin əleyhinə olduğunu bildirib. O əmindir ki, belə qadağayla yerli təhsilin keyfiyyətini yüksəltmək olar.
Ancaq Rusiya höküməti Raşkinin qəsdən provokasiya etdiyini düşünür.
"Müəllif anlayırdı ki, təklif etdiyi qanun layihəsi qəbul edilməyəcək. Bu mövzu üzərində 2009-cu ilə qədər müxtəlif istiqamətli müzakirələr gedib. O zaman bütün bu suallara cavab olaraq Konstitusiya Məhkəməsi vətəndaşlarımızın azad təhsil alma hüququnun olduğunu qanuni şəkildə təsdiqlədi", komitənin sədr müavini Anatoli Vıbornıy deyib.
Raşkin bu layihənin siravi vətəndaşlardan çox, ölkənin vicdansız məmurlarına ünvanladığını deyib: "Əgər dövlət qulluqçusu öz övladını xaricdə yüz min dollarlıq universitetlərdə oxutdurursa, bu pulların hardan və necə gəldiyi barədə hesabat verməlidir. Ölkədə qanunla korrupsiya qadağan edilib. Korrupsiya əleyhinə komitə yaradılıb. Məmurların xaricdəki hesabları qeyri-qanuni yollarla açılıb. Hazırki qanunlar 90-cı illərdə qəbul edilən qanunlar qədər nəticə vermir. Düşünürəm ki, müəyyən boşluqlar var".
Könül Cəfərli
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT
-
Dünya10:56
NATO Rusiya ilə müharibəyə hazırlaşır - Bu ölkədən hücuma keçəcəklər
-
Nida Xəbər 10:30
Bu gün ilk Qədr gecəsidir