Sankt-Peterburqda terror aktının təşkilatçısı saxlanıldı - - VİDEO
Bizi izləyin

Dünya

Sankt-Peterburqda terror aktının təşkilatçısı saxlanıldı - - VİDEO

Saxlanılan şəxs Mərkəzi Asiyadan gəlmədir.

Moskva ətrafında yerləşən Odintsov rayonunda Sankt-Peterburq metrosunda terror aktının təşkilatçılarından biri saxlanılıb.

Publika.az “RİA-Novosti” agentliyinə istinadən xəbər verir ki, bu haqda Federal Təhlükəsizlik Xidmətinin (FTX) ictimai əlaqələr mərkəzindən bildiriblər.

Saxlanılan şəxs Mərkəzi Asiyadan gəlmə olan Abror Əzimovdur.

Xatırladaq ki, aprelin 3-də Sankt-Peterburq metrosunun “Sennaya Ploşad” və “Texnoloji institut-2” stansiyaları arasında partlayış törədilib. Nəticədə terrorçu da daxil olmaqla, 15 nəfər ölüb, təxminən 50 nəfər yaralanıb.

Bundan başqa, “Ploşad Vosstaniya” stansiyasında bomba tapılıb . Onu zərərsizləşdirmək mümkün olub.

İlkin məlumatlara görə, 22 yaşlı Qırğızıstan sakini Akbarjon Cəlilov terror aktının icraçısıdır. Müstəntiqlər hesab edirlər ki, o əvvəlcə " Ploşad Vosstaniya” stansiyasında bomba qoyub, daha sonra isə “Sennaya Ploşad” və “Texnoloji institut-2” stansiyaları arasında hərəkət edən qatarın vaqonunda özünü partladıb.

Ömər Dağlı

Oxumağa davam et
Reklam
Reklam

Gündəm