• USD 1,7000 0,00% EUR 2,0120 -0,37%
    • GBP 2,2300 -0,13% RUB 0,0232 -0,43%

Ölkədə bunkerlərin sifarişi artıb - Nüvə müharibəsinə HAZIRLIQ

  • Dünya
  • 27 Aprel 2017 11:36
  • 981 Baxış
Ölkədə bunkerlərin sifarişi artıb - Nüvə müharibəsinə HAZIRLIQ

Şimali Koreya tərəfindən nüvə təhdidinin artması ilə əlaqədar olaraq Yaponiyada ev və korporativ bunkerlərin quraşdırılmasına sifarişlər kəskin artıb.

Publika.az “RİA-Novosti” agentliyinə istinadən xəbər verir ki, bu haqda evlərdə və müəssisələrdə yeraltı bunkerləri layihələşdirən şirkətin prezidenti Naoko Oribe deyib.

“Yaponiya Xirosima və Naqasakidə atom bombardmanlarının dəhşətini yaşayan tək ölkədir. Amma yaponlar indiyə qədər ev bunkerlərinin yaradılmasına az maraq göstərirdilər. Hər halda, bunkerlərin kinoteatr, stansiyalar, məktəblər və həyət evlərində mövcud olan İsveçrə ilə müqayisə üzrə bunu deyə bilərik. Bu, yolverilməzdir”, - o bildirib.

Onun sözlərinə görə, Koreya yarımadası ətrafında vəziyyətin gərginləşməsindən sonra ev və korporativ bunkerlərin quraşdırılmasına sifarişlər artıb. Şirkət 2016-ci ildə 100 yerlik üç korporativ və 13 yerlik 6 ev bunkerinin tikintisi üçün sifariş alıb. Amma tək aprel ayında iki böyük və 6 ev bunkerinin tikintisi üçün sifariş verilib.

“Bu, Şimali Koreya ilə bağlıdır və həqiqətən qorxuludur. Amma yeraltı bunkerin tikintisi təxminən dörd ay çəkir. Əgər hücum yaxın vaxtlarda olarsa, o halda bunkerləri tikməyə vaxt tapmayacağıq”, - Oribe vurğulayıb.

Qeyd edək ki, Pxenyan ABŞ tərəfindən ona qarşı ən kiçik təxribatın olacağı halda, Vaşinqtonun regiondakı müttəfiqləri olan Cənubi Koreya və Yaponiyanı nüvə silahı ilə vurulacağını bəyan edib. Həm siyasilər, həm də ekspertlər nüvə zərbəsinin regionda böyük fəlakətə səbəb olacağını bildirirlər.

Hərbi ekspert, Rusiya Raket-artilleriya Elmləri Akademiyasının müxbir üzvi Konstantin Siskov hesab edir ki, Şimali Koreya Yaponiyaya tərəf nüvə raketi buraxarsa, çoxu üçün xilas olmaq praktik olaraq mümkün olmayacaq. Sivkovun sözlərinə görə, nüvə zərbəsinə hazırlaşmağa və sığınacaq tapmağa ölkənin bütün sakinləri üçün 10 dəqiqə açıq-aydın kifayət etməyəcək.

Ömər Dağlı

Halal Nemət

Xəbər lenti

DAHA ÇOX XƏBƏR