• USD 1,7000 0,00% EUR 2,0246 +0,42%
    • GBP 2,3650 +0,84% RUB 0,0233 0,00%

Kreml yeni müharibəyə nə vaxt başlayacaq? - Qələbə strategiyasına KEÇİD

  • Dünya
  • 27 May 2017 15:07
  • 1 142 Baxış
Kreml yeni müharibəyə nə vaxt başlayacaq? - Qələbə strategiyasına KEÇİD

ABŞ Müdafiə Nazirliyininin (Pentaqon) Hərbi kəşfiyyat Agentliyinin direktorunun mayın 23-də açıqlanan məruzəsində qeyd edilir ki, 2018-ci ildə Minsk razılaşmaları yerinə yetirilməyəcək. Bildirilir ki, Rusiya Donbasda destabilizasiyadan imtina etməyəcək. Rusiya prezidenti Vladimir Putin və onun ətrafının Ukraynanın şərqində hansı hədəfləri var?

Publika.az xəbər verir ki, Rusiya politoloqu Dmitri Oreşkin Ukraynanın “Apostrof” nəşrinə bu hədəflərdən danışıb.

Politoloq qeyd edir ki, Qərb Putinin Ukraynada müharibəyə girməyəcəyini anlayır: “O artıq Donbasda 2014-cü ildə olduğu kimi real müharibə edə bilmir. Amma “hibrid müharibə” aparmağa, ora təlimatçıları göndərməyə məcburdur. Bunun üçün “DXR” və “LXR”dən istifadə olunur. Donbasda gərginliyi, ideoloji diversiyaları, partlayışları və ölümləri dəstəkləmək lazım olur. Qərbdə anladılar ki, Putinlə ümumi sivilizasiya tipinə aid olan insanla ünsiyyət çərçivəsində danışıqlar aparmaq lazım deyil. Onunla danışmaq mənasızdır, ona birbaşa maddi faktlarla təsir etmək lazımdır. Bu ölçülər çox effektivdir, sanksiyalar təsirlidir. Putin uduzacaq. O indiyə qədər Donetski birləşdirmədi, bilir ki, yeni sanksiyalar növbəti addım olacaq”.

Dmitri Oreşkinin sözlərinə görə, Ukraynada Qərbin Rusiyaya qarşı ölçülərini çox zəif hesab edirlər. Amma politoloq SSRİ-nin dağılmasını xatırladır.

“Əslində, məhz belə ölçülər Sovet İttifaqının dağılmasına gətirib çıxardı. Ronald Reyqanın kommunizm üzərində qələbə strategiyası Putin üzərində qələbə strategiyasına keçdi. Onu “Böyük səkkizlik”dən tulladılar, ümumi daxili məhsulun həcmi artıq Cənubi Koreyadan da aşağıdır. Ölkə dalandadır, Putin təcrid edilib. Onun hərəkət etmək imkanları yoxdur, nəticələr çox ağır olacaq. Putin Avropada növbəti dəfə uduzdu. Avropa İttifaqını parçalamaq, Fransa və Almaniyanın arasını vurmaq, Marin Le Penin prezident seçilməsinə nail olmaq cəhdləri müvəffəqiyyətlə nəticələnmədi. Qərb Ukraynanın tərəfindədir, hərçənd Kiyev də özünü narazı aparır. Anlamaq lazımdır ki, Putində praktik planda heç nə yoxdur. Onda iqtisadi, demoqrafik və texnologiya resursu yoxdur”.

Politoloq Rusiya və Şimali Koreya arasında müqayisə aparıb: “Şimali Koreyada yeməyə heç nə yoxdur, amma bütün xalq rəhbərin ətrafındadır və atom zərbəsinə cavabı hazırlayırlar. Rusiyada da vəziyyət eynidir, amma daha yumşaq formada: bütün vasitələrin üçdə birinə qədəri hərbi proqramlara gedir, təhsil və tibbi xərclər azalır, həyat standartları pisləşir. Amma bu Putinə təsir etmir, onun obrazı gündəlik çətinliklərdən uzaqdır, o, Amerika imperializmi ilə vuruşur. Buna görə də müharibə hissini dəstəkləmək Putin üçün sərfəlidir. Amma o anlayır ki, real müharibənin aparılması üçün resurslar lazımdır, amma onlar yoxdur. Ona real müharibə deyil, hibrid müharibə lazımdır. Əhali gərgin vəziyyətdə yaşasın, müqəddəs ideallar naminə ölməyə hazır olsun, xarici təhdidi daim hiss etsin. Əhali anlamalıdır ki, onlar Putinsiz sağ qalmayacaq”.

Dmitri Oreşkin bildirir ki, Rusiyada vəziyyəti başa düşən insanlar olsa da, onu dəyişmək üçün alətlər olmadığı üçün ölkəni tərk edirlər.

Politoloqun sözlərinə görə, növbəti ildə Putinə vətənpərvərlik ritorikasını artırmaq lazım olacaq: “Çünki, gündəlikdə heç bir nailiyyət yoxdur. Prezident seçkilərində öz statusunun saxlanılması üçün neqativ stimulyasiyadan istifadə etmək lazım olacaq: bu qorxudur. Deməli, danışmaq lazım olacaq ki, Putinsiz bizi məhv edəcəklər: NATO gələcək və bizi tapdalayacaq. İnsanlara sübutları vermək lazımdır. Buna görə də növbəti il Ukrayna tərəfindən hücum kimi görünən kəskinləşməni gözləmək lazımdır. Məntiq belə olacaq: biz rusiyalılar cavab verməyə və Putinin ətrafında birləşməyə məcburuq. Düşünürəm ki, Putinin strateqləri Ukrayna tərəfindən genişmiqyaslı hərəkətləri təhrik etməyə hazırdır. Putin Ukraynanı Donbasda irəliləyişə dəvət edəcək. Bu, Ukraynada torpaqlar üzərində nəzarətin bərpası, Rusiyada isə təcavüz kimi qəbul ediləcək. Bu xalqın qarşısında çıxış etməyə imkan verəcək ki, “faşist” rejimi Donbasda Rusiyanın qardaşlarını məhv edir. Ümid edirəm ki, Ukraynada siyasi sinif bunu anlayır. Anlamaq lazımdır ki, Donbasda irəliləmək arzusu Putinə kömək ola, ona dəstəyin səviyyəsini artıra bilər”.

Ömər Dağlı

Halal Nemət

Xəbər lenti

DAHA ÇOX XƏBƏR