Dünya
Qətər ərəb ölkələrinin tələblərini rədd etdi
“Qətər hakimiyyəti əmirliklə münasibətlərin bərpası üçün ərəb ölkələri tərəfindən irəli sürülmüş tələblərin siyahısını rədd edir”.
Publika.az TASS agentliyinə istinadən xəbər verir ki, bu haqda Qətərin xarici işlər naziri Şeyx Məhəmməd bin Əbdülrəhman Əl-Təni deyib.
“Biz tələblərin siyahısını rədd edirik və uyğun şərtlərlə dialoqa hazırıq”, - o bildirib.
Onun sözlərinə görə, tələblərin hədəfi Qətər üzərində nəzarət mexanizminin qurulmasına yönəlib və beynəlxalq hüquqa ziddir. Nazir ultimatumlardan qorxmadığını və tələblərin yerinə yetirilməsi üçün verilən müddətin bitməsindən sonra istənilən mənfi nəticələrə qarşı durmağa hazır olduğunu vurğulayıb.
“Blokadada iştirak edən ölkələr tərəfindən qəbul edilmiş ölçülər kollektiv cəzadır. Beləliklə, tələblərin siyahısı onların rədd edilməsi üçün formalaşdırılıb”, - diplomat əmindir.
Qeyd edək ki, Səudiyyə Ərəbistanı, Misir, Birləşmiş Ərəb Əmirlikləri və Bəhreyn iyun ayından diplomatik münasibətləri kəsdikləri Qətərə qarşı 13 maddəlik tələbnamə irəli sürüblər.
Qətərdən İrandakı ofislərini bağlaması, həmçinin İranla hərbi sahədə əməkdaşlığa son qoyması, "Müsəlman qardaşlar", İŞİD, "Əl-Qaidə" və "Hizbullah" kimi terror təşkilatları ilə əlaqələrin dayandırması, bu təşkilatları rəsmi olaraq terrorçu elan etməsi, "Əl-Cəzirə" və digər media qurumlarını bağlanması və Türkiyənin Qətərdəki hərbi iştirakına son qoyulması tələb olunur.
Ömər
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI
-
Elm və təhsil19:12
Emin Əmrullayev ona VƏZİFƏ VERDİ
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?
-
Sosial16:58
Bu avtomobillərlə taksi fəaliyyəti göstərmək qadağan edildi