• USD 1,7000 0,00% EUR 2,0516 -0,66%
    • GBP 2,3056 -0,88% RUB 0,0231 -0,43%

ABŞ və Rusiya Türkiyəyə qarşı: Ankara OYUNDAN ÇIXARILIR

  • Dünya
  • 5 İyul 2017 17:07
  • 1 467 Baxış
ABŞ və Rusiya Türkiyəyə qarşı: Ankara OYUNDAN ÇIXARILIR

Qazaxıstanın paytaxtı Astanada beşinci dəfə keçirilən Suriya toplantısında ABŞ-dan kritik həmlə gəlib.

Publika.az “Anadolu” agentliyinə istinadən xəbər verir ki, ABŞ Suriyada təhlükəsiz bölgələrin yaradılması ilə bağlı öz planını açıqlayıb.

Toplantıya qatılan mənbələrdən əldə edilən məlumata görə, Rusiya nümayəndə heyəti dünən ikitərəfli danışıqlar zamanı Türkiyə və İranı təmsil edən nümayəndə heyətlərinə Dera və Kuneytranın təhlükəsiz bölgələr siyahısından çıxarılmasını təklif edib. Qeyd edilir ki, ABŞ-ın Suriyadakı hərbi varlığını nəzərə alan Moskva bu ölkədəki vəziyyəti Vaşinqton ilə müzakirə etmək qərarına gəlib.

Mənbələr qeyd edirlər ki, ABŞ-ı toplantıda təmsil edən dövlət katibinin köməkçisi Stüart Jonas Suriya müxalifəti ilə dünən axşam saatlarında “Grand Park Esil” otelində görüşüb. Amerikalı bir diplomatın da təsdiq etdiyi məlumata görə, Jonas müxalifətə Suriyanın cənubunda - İordaniya sərhədində (burada ABŞ hərbi qüvvələri yerləşir- red) Astana prosesindən kənar təhlükəsiz bölgənin yaradılması mövzusunda Rusiya və İordaniya ilə razılaşdıqlarını söyləyib.

Suriya müxalifəti hesab edir ki, ABŞ bununla da Rusiya, İran və Türkiyənin başladığı Astana prosesini pozmaq, əvəzində “Amman prosesi”nə başlamaq niyyətindədir. Bu isə Türkiyə və İranın prosesdən kənarlaşdırılması anlamına gəlir.

Xatırladaq ki, Türkiyə, Rusiya və İran 3-4 may tarixlərində keçirilən dördüncü Astana toplantısında İdlib vilayəti, Xüms vilayətinin şimalındakı bəzi bölgələr, Dəməşqin Şərqi Guta bölgəsi və cənubda yerləşən Dera ilə Kuneytra vilayətlərində təhlükəsiz bölgələrinin yaradılması mövzusunda razılaşıblar.

Ömər Dağlı

Halal Nemət

Xəbər lenti

DAHA ÇOX XƏBƏR