• USD 1,7000 0,00% EUR 2,0695 0,00%
    • GBP 2,3318 0,00% RUB 0,0230 0,00%

Yanukoviç Moskvada Krımdan danışdı: "...Ukraynanın tərkibinə qayıdacaq” - VİDEO

  • Dünya
  • 6 İyul 2017 18:00
  • 794 Baxış
Yanukoviç Moskvada Krımdan danışdı: "...Ukraynanın tərkibinə qayıdacaq” - VİDEO

“Ümid edirəm ki, Krım Ukraynanın tərkibinə qayıdacaq. Ancaq qəti qərarı krımlılar verməlidir”.

Publika.az TASS agentliyinə istinadən xəbər verir ki, bunu Ukraynanın sabiq prezidenti Viktor Yanukoviç Moskvada keçirdiyi mətbuat konfransında deyib.

“Mən istəyərdim ki, Krım Ukraynanın tərkibinə qayıtsın, amma bu, Krım sakinlərindən asılı olacaq. Bu, onların qərarı idi, onlar özünü və ailələrini müdafiə edirdilər. Mən 23 fevral 2014-cü ildə Krım sakinlərinin qətiyyətini gördüm. Onlar “Maydan”ın Krıma gələcəyindən qorxurdular”, - sabiq prezidenti vurğulayıb.

Yanukoviç indiki Ukrayna hakimiyyətini qorxaqlıqda və “Krımı baharı” zamanı susmaqda ittiham edib.

O deyib ki, krımlıların qərarı əvvəlcədən məlum idi və yarımadada keçirilən referendumun nəticəsinə heç kim şübhə etmirdi: “Biz bilirdik ki, Krımda həmişə rusiyayönlü əhval-ruhiyyə olub”.

O bildirib ki, böyük siyasətdən getməyib və Ukrayna hakimiyyətinə qayıtmaq üçün ambisiyalara malikdir. Yanukoviç hakimiyyətə qayıdaraq Ukraynanı federallaşdırmaq və Moskva ilə münasibətləri normallaşdırmaq istədiyini vurğulayıb. Siyasətçi Ukraynanın regionları daha çox səlahiyyət verməli olduğunu qeyd edib. Sabiq dövlət başçısı əmindir ki, bu halda korrupsiya daha az olacaq.

Yanukoviç indiki siyasi qüvvələrin nə qədər hakimiyyətdə qalacağını proqnozlaşdırmayıb. Lakin əlavə edib ki, prezident Pyotr Poroşenko iqtidarının heç bir perspektivi yoxdur.

Ömər Dağlı

Halal Nemət

Xəbər lenti

DAHA ÇOX XƏBƏR