Dünya
Putin qonşu ölkəyə 100 minlik ORDU YERİDİR: müharibəyə doğru NÖVBƏTİ HƏMLƏ
Rusiya Belarusla birlikdə 100 min əsgərin iştirak
edəcəyi hərbi təlimlərə hazırlaşır.
Publika.az xəbər verir ki, yayın sonunda başlayacaq
təlimlər bir neçə ay davam edəcək.
Təlimlər Rusiya-ABŞ qarşıdurması və NATO-nun Şərqi Avropada rus
sərhədlərinə qədər gələrək, bölgəyə hərbi kontingentlər toplaması
fonunda diqqət çəkir. Təlimin adı da əslində Kremlin hədəfini aydın
göstərir: “Zapad”. Bu, rus dilində “Qərb” deməkdir. Hesab etmək
olar ki, Rusiya Belarusda – Şərqi Avropaya qoşun çıxaran NATO ilə
üzbəüz bölgədə 100 minlik hərbi təlim keçirməklə, öz mövqeyini açıq
şəkildə ifadə edir.
Maraqlıdır ki, hərbi təlimlərin keçiriləcəyi məsələsi ABŞ-ın
Rusiyaya qarşı sanksiyalar tətbiq etməyə qərar verməsindən sonra
gündəmə gəlib. Rusiyanın baş naziri Dmitri Medvedevin “ABŞ yeni
sanksiyalarla Rusiyaya qarşı iqtisadi müharibə elan etdi” deməsi də
vəziyyətin gərginliyindən xəbər verir.
Bütün bunların fonunda rus ordusunun Şərqi Avropaya doğru hərəkət
etməsi qarşıdakı dövrdə dünyanın gündəmində hərbi gərginliyin ön
plana çıxacağına işarədir.
ABŞ rəsmiləri hesab edir ki, Rusiya NATO-nun Polşa, Litva və
Latviyada güclənməsini bəhanə gətirərək, Belarusda hərbi varlığının
artıracaq. 2012-2014-cü illərdə ABŞ-ın Moskva attaşesi olan Peter
B.Zvac Rusiyanın “Sizi izləyirik, güclüyük, çox şey öyrəndik,
Rusiya ilə qarşıdurmaya getməyin” mesajı verməyə çalışdığını
deyib.
Asif
-
MDB21:50
95 yaşlı diplomat öldü
-
Nida Xəbər 21:20
Sərhədin delimitasiyası başladı: İrəvan dərhal Tehrana hesabat verdi
-
Magazin120:59
Dilarə səhnə geyimi ilə gündəm oldu - VİDEO
-
Elm və təhsil20:40
Buraxılış imtahanının nəticələri açıqlandı
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır