Dünya

Təbii fəlakət 75 nəfərin həyatına son qoydu

14 Avqust 2017 10:00

Nepalda iyun ayında başlayaraq şiddətli yağışlarla müşahidə edilən musson mövsümü bu günə qədər 75 nəfərin ölümünə səbəb olub.

Publika.az xarici KİV-ə istinadən xəbər verir ki, ölkənin cənub istiqamətində şiddətli yağışların yol açdığı sel və torpaq sürüşməsi nəticəsində 47 nəfər həlak olub. 5 min nəfrə yaxın əhali ərazidən təxliyə edilib, 34 minə yaxın yaşayış yeri su altında qalaraq yararsız hala düşüb.

Rəsmi açıqlamalara görə, musson mövsümünün sentyabr ayının sonlarına qədər davam edəcəyi bildirilib. Təbii fəlakətlər nəticəsində ölkənin cənubunda yerləşən 9 şəhərdə rabitə və elektrik enerjisi kəsilib.

İtkin düşən 27 nəfərin axtarışları davam etdirilir.

Könül Cəfərli