• USD 1,7000 0,00% EUR 2,0722 0,00%
    • GBP 2,4112 0,00% RUB 0,0237 0,00%

“Putin hesab edir ki...” - Saakaşvili Moskvanın PLANINI AÇIQLADI

  • Dünya
  • 5 Sentyabr 2017 21:13
  • 950 Baxış
“Putin hesab edir ki...” - Saakaşvili Moskvanın PLANINI AÇIQLADI

Gürcüstanın sabiq prezidenti Mixail Saakaşvili Ukraynanın Donbas bölgəsində BMT sülhməramlılarının yerləşdirilməsi imkanını şərh edib.

Publika.az xəbər verir ki, Saakaşvilinin sözlərinə görə, Rusiya prezidenti Vladimir Putin sülhməramlıların tərkibində Rusiya hərbiçilərinin olacağını düşünür.

“Putin hesab edir ki, sülhməramlıların tərkibində Rusiya hərbiçiləri olacaq. Və bu, münaqişə zonasında onların mövcudluğunu qanuniləşdirəcək. Bundan başqa, üçüncü tərəfin iştirakı ideyası nəticəsində Ukrayna öz ərazi bütövlüyünü bərpa edə bilməyəcək. Təklif “LXR” və “DXR”i (Ukraynanın şərqində yaradılan separatçı rejimlər - red.) qeyri-müəyyən uzunmüddətli dövrə qədər qanuniləşdirir. Bu gün Rusiya tərəfindən işğal edilmiş Ukrayna əraziləri var. Onların azad edilməsi Ukrayna dövləti üçün bir vəzifə və çağırışdır. BMT sülhməramlıların iştirakı halında Ukrayna bu məsələdən çəkilir və tərəflərin barışığı məsələsinə yenidən format olunur: Ukrayna və Donbas. Bəs Krım necə olacaq? Krım və Donbasa işğal edilmiş ərazilər kimi yalnız birlikdə baxmaq olar”, - Saakaşvili bildirib.

Sabiq prezident Cənubi Osetiya münaqişəsini xatırladıb: “Cənubi Osetiya təcrübəsi göstərdi ki, Rusiyanın iştirakı ilə sülh missiyası sülhə gətirib çıxarmadı. Bundan Gürcüstana hərbi müdaxilə üçün Putin tərəfindən istifadə edildi. Ukrayna belə səhvləri təkrarlamamalıdır”.

Qeyd edək ki, Rusiya Donbas bölgəsində BMT sülhməramlılarının yerləşdirilməsi haqqında qətnamə layihəsini təqdim edib. Rusiyanın BMT-dəki daimi nümayəndəsi Vasiliy Nebenzyanın sözlərinə görə, sənəd BMT-nin Baş katibinə və Təhlükəsizlik Şurasının sədrinə göndərilib.

Daha əvvəl Rusiya prezidenti Vladimir Putin bildirib ki, Moskva müəyyən şərtlərlə Donbas bölgəsində ATƏT-in missiyasının təhlükəsizliyini təmin edəcək sülhməramlıların yerləşdirilməsi ideyasını dəstəkləyir.

Onun sözlərinə görə, bu məsələnin həlli yalnız ağır texnikanın təmas xəttindən aparılmasından sonra mümkündür. Bundan başqa, Putin qeyd edib ki, problemi “LXR” və “DXR”-in (Donbasda yaradılan separatçı qurumlar - red.) nümayəndələri ilə təmas çərçivəsində həll etmək lazımdır.

Ömər Dağlı

Halal Nemət

Xəbər lenti

DAHA ÇOX XƏBƏR