Kataloniyada qanlı qarşıdurma - Yaralananların sayı 700-ü keçdi - YENİLƏNDİ

Kataloniyada polislə toqquşmalar zamanı xəsarət alanların sayı 761 nəfərə çatıb.

Publika.az xəbər verir ki, bu barədə Səhiyyə Nazirliyi rəsmi "Tvitter" səhifəsində yazıb.

***

Kataloniyada polislə toqquşmalar zamanı xəsarət alanların sayı 460 nəfəri ötüb.

Bu barədə Barselonanın meri Ada Kolau açıqlama verib.

***

Seçkini əngəlləməyə çalışan polislə kataloniyalılar arasında toqquşma baş verib.

Polis seçicilərə dəyənək, bibər qazı və su şırnaqları ilə sərt müdaxilə edib.

Etirazçılar arasında çoxlu sayda yaralı və həbs edilən var.

***

Kataloniyada müstəqilliklə bağlı referendumda səsvermə başlayıb.

Məktəblərdə açılan 2300 seçki məntəqəsinin 1300-ü İspaniya polisinin nəzarəti altındadır və bağlanıb.

Buna görə də səsvermə bütün seçki məntəqələrində keçirilmir. Bəzi seçki məntəqələrinə polislə toqquşmalar başlayıb. Kataloniya muxtariyyətinin hakimiyyəti səsverməyə 1 saat qalmış bəyan edib ki, Kataloniya sakinləri şəxsiyyəti təsdiq edən sənədi təqdim etməklə istənilən seçki məntəqəsində səs verə bilərlər.