Dünya

İŞİD-in neft satışından aylıq gəliri açıqlandı

3 Oktyabr 2017 11:22

İŞİD terror qruplaşmarının neft satışından gəlirləri iki il ərzində 90 faiz azalıb.

Publika.az xəbər verir ki, bu haqda “USA Today” yazıb.

Nəşr qeyd edir ki, Suriyada və İraqda neftin satışından İŞİD-in gəliri son iki il ərzində 12 dəfə aşağı düşüb. 2015-ci ildə terror qruplaşmasının aylıq neft gəliri 50 milyon dollar olduğu halda, hazırda bu rəqəm 4 milyon dollar təşkil edir.

Neft satışı demək olar ki, terrorçuların gəlirlərinin yarısını təşkil edirdi. Bank soyğunları və tutulmuş şəhərlərin sakinlərindən alınan vergilər İŞİD-in “büdcəsində” əhəmiyyətli yer tuturdu.

Vaşinqton Universitetinin Yaxın Şərq siyasəti üzrə analitiki Endrü Tebler bildirib ki, İŞİD-in əlində olan ərazilər azaldığı üçün insanlardan vergiləri toplamaq imkanları da azalır.

İyun ayında “IHS Markit” təşkilatının analitikləri bildiriblər ki, 2015-ci ilin ikinci rübündə qruplaşmanın 81 milyon dollar olan aylıq gəliri 2017-ci ikinci rübündə 16 milyon dollara qədər azalıb.

Ömər Dağlı