“Bir neçə gün ərzində ondan çox...” - Las-Veqas terrorçusu barədə YENİ DETALLAR
Bizi izləyin
Aptekonline

Dünya

“Bir neçə gün ərzində ondan çox...” - Las-Veqas terrorçusu barədə YENİ DETALLAR

ABŞ-ın Las-Veqas şəhərində konsert zamanı insanları güllələyən Stiven Peddok bir neçə gün ərzində qaldığı mehmanxana nömrəsinə ondan çox çamadan daşıyıb.

Publika.az “RİA-Novosti” agentliyinə istinadən xəbər verir ki, bu haqda Las-Veqas şerifi Co Lombardinə istinadən CNN telekanalı bildirib.

Mehmanxana işçilərinin sözlərinə görə, Peddok menhmanxana nömrəsinə yerləşdiyi vaxt heç bir şübhə doğurmayıb. Hüquq-mühafizə orqanlarının əməkdaşları hesab edirlər ki, o, çamadanlarla silah-sursat daşıyırdı.

Xatırladaq ki, ABŞ-ın Las-Veqas şəhərində oktyabrın 2-də “Mandalay Bay Hotel” mehmanxana kompleksinin qarşısında təşkil edilən musiqi festivalına silahlı hücum olub. Hadisə nəticəsində 59 insan ölüb, 500-dən çoxu yaralanıb. Bu, qurbanların sayına görə ABŞ-da ən qanlı hücum hesab olunur.

Nevada ştatının Meskit şəhərində yaşayan Stiven Peddokun otel otağından 23 ədəd, evindən isə 19 ədəd odlu silah, çoxsaylı patron və partlayıcı maddələr aşkarlanıb.

Ömər Dağlı

Oxumağa davam et
Reklam
Reklam

Gündəm

Aptekonline