Dünya

Sergey Şoyqunun müavinləri axtarışa verildi

4 Oktyabr 2017 20:25

Ukrayna Baş prokurorluğu Rusiya müdafiə nazirinin iki müavini - Nikolay Pankov və Dmitri Bulqakov, həmçinin Rusiya Hərbi Dəniz Donanmasının baş komandanının müavini Aleksandr Fedotenkovun axtarışını elan edib.

Publika.az UNİAN agentliyinə istinadən xəbər verir ki, bu haqda idarənin mətbuat xidməti bildirib.

“Bu şəxslər barəsində ittiham aktları xüsusi məhkəmə təhqiqatının həyata keçirilməsi üçün 4 oktyabr 2017-ci il tarixində məhkəməyə göndərilib. Onlardan hər birinin axtarışı elan edilib”, - xəbərdə deyilir.

Qeyd edilir ki, xüsusi məhkəmədən əvvəl adıçəkilən şəxslər barəsində araşdırmalar başa çatıb. Onlar Ukraynanın Cinayət Məcəlləsinin maddələri üzrə bir sıra cinayətlərin törədilməsində ittiham olunur.

Qeyd edək ki, Ukraynanın Baş hərbi prokurorluğu sentyabrın sonunda dindirilmə və cinayət işinin materialları ilə tanış olmaq üçün Nikolay Pankov, Dmitri Bulqakov və Aleksandr Fedotenkovu çağırıb.

Ömər Dağlı