Dünya

Londondakı hadisə terror aktı deyil - VİDEO (YENİLƏNDİ)

7 Oktyabr 2017 22:29

Londonun qərbində 11 nəfərin xəsarət alması ilə nəticələnən hadisə terror aktı deyil, yol-nəqliyyat hadisəsidir.

London polisinin məlumatına görə, istintaq insidenti terror aktı kimi nəzərdən keçirmir. Bu, yol-nəqliyyat hadisəsidir.

Qeyd edək ki, bu gün günorta saatlarında Böyük Britaniya paytaxtının qərbindəki izdihamlı məhəllələrdən birində avtomobil səkiyə çıxıb, informasiya stendini aşırıb və bir neçə piyadaya xəsarət yetirib.

Avtomobilin sürücüsü saxlanılıb. Hazırda müstəntiqlər hadisənin motivlərini müəyyənləşdirirlər.

***

Londonda Qayd-park yaxınlığında sürücü avtomobili insanların üstünə sürüb.

Publika.az qazeta.ru-ya istinadən xəbər verir ki, bu barədə London polisi məlumat yayıb.

Xəsarət alanların sayı dəqiqləşdirilir. Avtomobilin sürücüsü saxlanılıb. Polis hadisənin motivlərini araşdırır.