Dünya

Ərdoğan Rusiya və ABŞ-a Suriyadan qoşunları çıxarmağı təklif etdi

13 Noyabr 2017 17:59

Türkiyə prezidenti Rəcəb Tayyib Ərdoğan Rusiya və ABŞ-a qoşunlarını Suriyadan çıxarmağı təklif edib.

Publika.az Türkiyə KİV-inə istinadən xəbər verir ki, Ərdoğan bu haqda Rusiyaya səfəri öncəsi jurnalistlərə açıqlamasında deyib.

“Vladimir Putin və Donald Trampın birgə bəyanatında deyilir ki, Suriya münaqişəsinin hərbi həlli yoxdur. Belə bəyanatları anlamaq çətindir. Münaqişənin hərbi həlli yoxdursa, bu haqda danışanlar öz qoşunlarını Suriyadan çıxarmalıdır”, - Ərdoğan bildirib.

Qeyd edək ki, ABŞ və Rusiya prezidentlərinin birgə bəyanatı noyabrın 11-də Dananqda ATES sammitinin kuluarlarında verilib. Sənəddə deyilir ki, prezidentlər Suriyada münaqişənin hərbi həllinin olmadığı barədə razılaşırlar. Onlar təsdiq ediblər ki, münaqişənin son siyasi tənzimləməsi BMT Təhlükəsizlik Şurasının 2254 saylı qətnaməsinə uyğun olaraq Cenevrə prosesi çərçivəsində olmalıdır".

Ömər Dağlı