İŞİD-çilər Əfqanıstana yerləşdirilir
Bizi izləyin

Dünya

İŞİD-çilər Əfqanıstana yerləşdirilir

Suriya və İraqdan qaçan İŞİD terror təşkilatının üzvləri Əfqanıstana yerləşdirilir.

Publika.az xəbər verir ki, Rusiya Əfqanıstanda on minlərlə İŞİD-çinin olduğunu, müharibə bölgələrindən qaçan döyüşçülərin Əfqanıstana keçməsi ilə bu sayın daha da çoxaldığını bildirib.

Bu barədə Rusiyanın Əfqanıstandakı xüsusi təmsilçisi Zamir Kabulov məlumat verib. O, bildirib ki, İŞİD bu ölkədəki qüvvələrini son dövrlərdə əhəmiyyətli dərcədə artırıb.

Əfqanıstanın keçmiş dövlət başçısı Həmid Kərzayi bir müddət öncə verdiyi açıqlamada İŞİD-in ölkəsindəki varlığının səbəbi olaraq ABŞ-ı göstərmişdi. O, terrorçuların xarici ölkələrdən müəyyən məqsədlər üçün gətirildiyini və ABŞ tərəfindən dəstəkləndiyini bildirmişdi.

Son hadisələr səbəbilə Türkiyə, Avropa, Orta Asiya respublikaları, Əfqanıstan və Pakistan kimi ölkələri bir-birinə bağlayacaq, dünyanın ən böyük tranzit və ticarət layihəsi kimi dəyərləndirilən Çinin “Bir qurşaq-bir yol” layihəsinin hədəf taxtasına qoyulduğu ehtimal edilir. Əfqanıstanda yerləşdirilən İŞİD döyüşçülərinin isə bu layihəni baltalamaq üçün istifadə olunacağı bildirilir.

Zümrüd

Oxumağa davam et
Reklam
Reklam

Gündəm