Çavuşoğlu Moskvadan ABŞ-ı hədələdi: “Güləni bizə verməsəniz…”
Bizi izləyin

Dünya

Çavuşoğlu Moskvadan ABŞ-ı hədələdi: “Güləni bizə verməsəniz…”

“İncirlik Türkiyənin bazasıdır, bu, NATO-nun bazası deyil və amerikalıların orada olması türk xalqının iradəsindən asılıdır”.

Publika.az “RİA-Novosti” agentliyinə istinadən xəbər verir ki, bunu Moskva Dövlət Beynəlxalq Münasibətlər İnstitutunun (MDBMİ) tələbələriylə görüş zamanı Türkiyənin Xarici İşlər Nazirliyinin başçısı Mövlud Çavuşoğlu deyib.

“Maraqlıdır ki, son zamanlar ABŞ YPG qruplaşmasına silah çatdırır. Həmçinin ABŞ Fəthullah Gülən və onun tərəfdarlarını Türkiyəyə vermir. Biz amerikalı həmkarlarımızla açıq danışdıq: əgər siz onları bizə verməsəniz, onda xalq tələb edir ki, sizin bazanızı bağlayaq”, - Türkiyənin Xarici İşlər Nazirliyinin başçısı əlavə etdi.

Daha əvvəl “Wall Street Journal” qəzeti İncirlik təyyarə bazasından Amerika döyüş təyyarələrinin əməliyyatlarının dayandırıldığı barədə yazıb. Nəşrin versiyasına görə, bu, Ankara və Vaşinqtonun münasibətlərindəki gərginliklə bağlıdır. Nəşrin ABŞ hərbi komandanlığındakı mənbəyinin sözlərinə görə, Amerika qoşunları türk hərbi bazasını qəti tərk edə bilər.

Ömər Dağlı

Oxumağa davam et
Reklam
Reklam

Gündəm