• USD 1,7000 0,00% EUR 2,0246 +0,42%
    • GBP 2,3650 +0,84% RUB 0,0233 0,00%

Hərbi əməliyyatlar dayandırıldı - Prezident ordunu geri çəkdi

  • Dünya
  • 22 Fevral 2020 11:26
  • 1 593 Baxış
Hərbi əməliyyatlar dayandırıldı - Prezident ordunu geri çəkdi

Əfqanıstan Təhlükəsizlik Qüvvələri Taliban qruplaşmasına qarşı bütün əməliyyatları dayandırıb.

Publika.az-ın məlumatına görə, bu barədə prezident Məhəmməd Əşrəf Qani təlimat verib.

Prezident məsələ ilə bağlı verdiyi açıqlamada ABŞ-Taliban sülh müzakirələri çərçivəsində ötən gün yerli vaxtla 00:00-dan etibarən ölkə miqyasında hücumları azaltmaqla bağlı qərarın qüvvəyə mindiyini bildirib. Taliban bu qərarı məmnuniyyətlə qarşılayıb.

Qani ölkədə fəaliyyət göstərən digər terror qruplaşmalarına qarşı əməliyyatların davam edəcəyini vurğulayıb. O, ABŞ-Taliban sülh müqaviləsinin imzalanmasından sonra Əfqan-Taliban cəbhəsində dialoqun başlanmasına əngəl qalmayacağını, bunun üçün bütün səviyyələrdə müzakirələrə hazır olduqlarını dilə gətirib.

Qeyd edək ki, ABŞ prezidenti Donald Tramp ABŞ ilə Taliban qruplaşması arasında 2018-ci ilin dekabr ayında başlayan sülh müzakirələrini 5 sentyabr 2019-cu il tarixində Əfqanıstanda xidmətdə olan ABŞ əsgərlərinə hücumdan sonra dayandırmışdı. Sülh görüşləri Talibanın girov götürdüyü 2 amerikalını sərbəst buraxmasından sonra yenidən başlamışdı.

Zümrüd

Halal Nemət

Xəbər lenti

DAHA ÇOX XƏBƏR