Dünya
Yaxın Şərqdə sülh danışıqları nəticə vermir
“Sarsılmaz qaya” əməliyyatının qızğın
gedişatı fonunuda rəsmilər atəşkəsdən danışarkən Fələstində 1 385
nəfər yaralanıb, 184 mülki şəxs həlak
olub.
ANS PRESS-in məlumatına görə, bu barədə Həmas
hərəkatının nümayəndəsi Fəvzi Barhum bildirib. O deyib ki,
“Razılaşma əldə olunanadək atəşkəs olmayacaq. Müharibə vaxtı
danışıqlara kimi atəş dayandırılmaz”.
Eləcə də İsrail Müdafiə Ordusunun baş qərərgah
rəisi Beni Hansın dediyinə görə “Sarsılmaz Qaya” əməliyyatı nəinki
dayandırılır, hətta yaxın günlərdə genişlənəcək.
ABŞ prezidenti Barak Obama isə Benyamin Netenyahu
ilə görüşündə danışıqların baş tutması üçün ABŞ-ın köməyini təklif
edib. "The Wall Street Journal" bildirir ki, rəsmilər danışıqlarda
Türkiyə, Qatar və Msirin də vasitəçi kimi iştrakına üçüd
bəsləyirlər.
“Biz münaqişənin gərginləşməməsi naminə ciddi
səylərimizi əsirgəməyəcəyik. Sözsüz ki, biz İsrailin özünümüdafiə
hüquqlarını tanıyırıq. Biz həm də Həmasın raket hücumlarının
dayandırılması istiqamətində təminat istəyirik” - deyə ABŞ-ın milli
təhlükəsizlik sözçüsünün müavini Ben Rods
bildirib.
BMT baş katibi Pan Gi Mun isə baş verənləri şərh
edərkən bilidirib ki, “Fələstinlilər Həmasın məsuliyyətsizliyi,
İsrailin isə sərt cavabının girovuna çevriliblər”.
Bu arada “Sarsılmaz qaya” əməliyyatının qızğın
gedişatı fonunuda KİV İsrail və Fələstin İslam Hərəkatı olan Həmas
arasında atəşkəs barəsində danışıqların getdiyini bildirir. ANS
PRESS-in məlumatına görə, İsrail ordusunda isə əməliyyatın
genişlənəcəyi xəbərlər gəzir.
"Walla News" agentliyinin verdiyi məlumatda
bildirilir ki, hər iki tərəf atəşkəsin bərqərar olması üçün öz
şərtlərini irəli sürür. İsrail Həmasdan 2012-ci ilin noyabrında
“Buludun sütunu” əməliyyatından sonra əldə olunan atəşkəs
danışıqlarına qayıtmağı tələb edir. İsrail qruplaşmanın tam şəkildə
tərkihsilah olmasını və raket atışları üçün nəzərdə tutulan tunel
və şaxtaların yıxılmasında israr edir.
Öz növbəsində Həmas 2011-ci ilin oktyabrında
“Şalat müqaviləsi”nə görə azad edilən lakin daha sonra keçən ilin
yayında “Qardaşları qaytarmaq” əməliyyatı zamanı yenidən həbs
edilən 55 fəalın azad olunmasını tələb edir. Bundan əlavə Həmas
Misir və Fələstin milli administrasiyasından Misir sərhədində Rifah
keçidinin açılması və keçmiş Həmas hökumətinin 40 min işçisinin
maaşlarının verilməsi tələbini irəli sürüb.
Qeyd edək ki, Qəzzaya istiqamətli hücumlarda 184
nəfərin ölməsi, 1385 nəfərin isə yaralanması barədə xəbər
yayılıb.
Digər tərəfdən İsrail polisi və səhiyyə
mənbələrinə görə, Qəzzadan İsrailə atılan raketlər səbəbiylə 3
İsrailli yaralanıb.
"Yəhudi səsi" adlı internet saytının məlumatına
görə "Qəzzadan atılan mərmilər səbəbiylə mərminin düşməsi
nəticəsində 11, sığınacaqlara qaçarkən 36, həyəcan səsindən
qaynaqlanan yol qəzaları səbəbindən 6 və baş verən çaxnaşma
nəticəsində 151 olmaqla cəmi 208 İsrailli
yaralanıb".
İordan çayının Qərb sahilində iyunun 12-də itən 3
yəhudinin 18 gün sonra ölü tapılmasının ardından fələstinli gənc
Məhəmməd Əbu Hudayr 2 iyulda məskunlaşdırılan yəhudilər tərəfindən
qaçırılmış və yandırılaraq öldürülmüşdü. Keçən bazar ertəsindən
artan gərginlik və İsrailin hücum əməliyyatı bu günə kimi davam
edir.
-
İdman13:01
"Real"ı yarımfinala daşıyan Luninin memar gözəlçəsi - FOTOLAR
-
Sosial12:31
Kəmaləddin Heydərov onu yüksək vəzifəyə təyin etdi - FOTO
-
Maraq dünyası12:00
May ayının şanslı BÜRCLƏRİ
-
Hadisə11:18
"Oğlan subay olub, qız isə..." - Bakıda gənclər hamamda necə ölüb? - VİDEO
-
Dünya10:41
Rusiya hərəkətə keçdi: Bu ölkə qırıcıları havaya qaldırdı
-
Avropa10:15
Zelenskini öldürmək istəyən şəxs bu ölkədə saxlanıldı
-
MDB09:48
Moskvada motosikletçini öldürən Şahin Abbasovun mənzilindən görün nə qədər pul tapıldı - FOTO
-
Yaxın Şərq09:12
İsrail İranı vurdu: görün neft bahalaşaraq neçəyə oldu