Dünya

Rusiyalı ekspert: “Dağlıq Qarabağda müharibə qaçılmazdır”

6 Avqust 2014 12:55

“Dağlıq Qarabağda müharibənin yenidən başlanması gec-tez qaçılmazdır. Ermənistan və Azərbaycan arasında istənilən vaxt müharibə başlaya bilər”.

Publika.az-ın Rusiyalı politoloq Aleksandr Xramçik bu sözləri Azərbaycan və Ermənistan qoşunlarının təmas xəttində baş verən son qarşıdurmaları şərh edərkən deyib.

Cəbhə xəttində gərgin vəziyyətin davam edəcəyi halda beynəlxalq sülhməramlıların ərazidə yerləşdirilməsi ehtimalına gəlincə, politoloq vurğulayıb ki, Ermənistan və Azərbaycanın sülhməramlıları dəvət edəcəyinə inanmır.

Rusiyalı ekspert Azərbaycan və Ermənistan prezidentlərinin Soçidəki görüşündən də heç bir gözləntinin olmadığını bildirib. “Düşünürəm ki, bu görüş də əvvəlkilər kimi olacaq, yəni nəticəsiz qalacaq”, - politoloq ifadə edib.

Ömər Dağlı