Dünya
Qəzza insanları şəkillərdə (+18 FOTO)
BBC-dən Jon Donnison-un Qəzzada İsrail hərbi əməliyyatı
keçirldiyi günlərdə çəkdiyi şəkillər sadə camaatın həyatından bəhs
edir.
Publika.az-ın məlumatına görə, Jonun çəkdiyi şəkilləri Twitter-də
@jondonnison səhifəsində tapmaq mümkündür.
Gənc ana qızı ilə Rafah şəhərində BMT məktəbinə sığınıblar. Qızın
qardaşı İsrail bombardmanından sonra hospitala yerləşdirilib.
Rafah şəhərində BMT məktəbi ərazisində uşaqlar qələbə işarəsi
nümayiş etdirir. BMT zərbələr nəticəsində 300-dən çox fələstinli
uşağın həlak olduğunu bildirib.
Bombardman zamanı yaralanmış 3 yaşlı Ayanın evinə zərbə qızcığaz
yuxuda olduğu vaxt endirilib. Aya ağlayaraq anasını çağırır, lakin
onun anası bombardman zamanı həlak olub.
Xan Yunis hospitalında ağır yanıqlar almış Əhməd (solda) müalicə
olunur. Ona qardaşı Mahmud baxır. Onların 17 yaşlı qardaşı
Məhəmməd, Rafahda İsrail bombasına tuş gələrək ölüb. Hücumdan bir
qədər əvvəl onların hamısı birlikdə çörək yeyib,
deyib-gülürlərmiş.
11 yaşlı Əli Rafahda evinin qarşısında oynadığı zaman yaralanıb.
İsrail bombası qonşularının evinə düşüb. Həkimlər uşağa Rafahdakı
Küveyt hospitalının avtomobil dayanacağında baxırlar, çünki
hospitalın özündə artıq dolub və yer yoxdur.
Bu balaca qız atəşkəs fasiləsi zamanı Cabaliyə şəhərində meyvə
şirəsi almaq üçün bayıra çıxıb.
Qəzzanın şimalında Beyt Hanun məntəqəsi. İsrail bombardmanları
nəticəsində evi 3-cü dəfə dağıdılan bu kişi həyətində böyüyən
üzümün dadına baxır.
Beyt Hanun şəhərində bu kişi evinin dağıntıları altından ördəyi
tapıb çıxardığından sevincəkdir. Beyt Hanun ən şiddətli İsrail
bombardmanına məruz qalır.
Beyt Hanunda qız dağıdılmış evlərindən qalmış cəmi bir bağlamalıq
əşyaları apararkən. Şəhərdə yüzlərlə ev yerlə yeksan edilib.
Cabaliyə şəhərində çörək üçün uzun növbələr. Enerji kəsintiləri
çörəkçilərin işini çətinə salıb. Qəzzada yeganə elektrik stansiyası
İsrail zərbələrinə məruz qalıb.
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO
-
Sosial13:03
Sabah 25 dərəcə isti olacaq
-
Magazin112:31
Rəşad Dağlının oğluna görün nə hədiyyə etdilər - FOTO
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia