Rusiyada "Meta"ya qadağa qoyuldu

Moskva Şəhər Məhkəməsi “Meta” korporasiyasına "ekstremist" fəaliyyətə görə Rusiya miqyasında qoyulmuş qadağanı qüvvədə saxlayıb.

Publika.az xəbər verir ki, bu barədə TASS məlumat yayıb.

“Birinci instansiya məhkəməsinin qərarı qanuni və əsaslı hesab edilsin. "Meta" nümayəndələrinin şikayəti təmin edilməyib”, - deyə hakim qərardadı oxuyaraq elan edib və bundan sonra prosessual normalara uyğun olaraq məhkəmənin qərarı hüquqi qüvvəyə minib.

"Meta" Korporasiyası Rusiya Federasiyasında "ekstremist" hesab olunur.

Şikayətlərə baxılarkən Rusiya Baş Prokurorluğunun nümayəndəsi Moskva Şəhər Məhkəməsindən “Meta”nın Rusiyada fəaliyyətinə qadağa qoyulması qərarının qanuni kimi tanınmasını xahiş edib.

Bu mövqeyi Rusiyanın kütləvi informasiya vasitələrinə nəzarət orqanı (Roskomnadzor) və Federal Təhlükəsizlik Xidmətinin (FSB) nümayəndələri dəstəkləyib. Öz növbəsində, Metanın vəkilləri məhkəmə prosesinin özü faktını qanunsuz adlandırıblar, çünki şirkət öz mövqeyinə görə Rusiya mülki məhkəmələrinin yurisdiksiyasına aid deyil, çünki onun Rusiyada nümayəndəliyi yoxdur.