Baş nazir: "Saakaşvili dövründə insanlar vəhşicəsinə məhv edilirdi"

"Ölkəmizdə siyasi məhbus yoxdur və olmayacaq, siyasi məhbus əvvəlki hökumət dövründə olub".

Publika.az xəbər verir ki, bu barədə Gürcüstanın baş naziri İrakli Qaribaşvili hökumət bu gün keçirdiyi mətbuat konfransında deyib.

O bildirib ki, eks-prezident Mixeil Saakaşvilinin dövründə insanlar siyasi motivlərlə təqib olunmayıb, vəhşicəsinə məhv ediliblər:

“Mixail Saakaşvilinin dövründə insanlar siyasi motivlərlə həbs edilməyib, güllələniblər, işgəncələrə məruz qalıblar, siz hər şeyi yaxşı bilirsiniz. Həmin hökumət evləri, biznesləri ələ keçirib və insanları sözün həqiqi mənasında, fiziki olaraq məhv edirdi. Bu dövr bitdi, dostlar, Bidzina İvanişvili dövrü də bitdi. Avropaya inteqrasiya, media azadlığı və s. bunlar Cənab İvanişvilinin 10 il əvvəl başladığı siyasətin davamıdır. İndi bizdə konkret konkret nəticələr var - assosiasiya sazişi, vizasız rejim və azad ticarət, Saakaşvili dövründə xəyalına belə gəlməyən Avropa perspektivi də bunlara əlavə olundu. Əgər Saakaşvili bu gün burada olsaydı, bizim heç bir perspektivimiz olmazdı”, - deyə İrakli Qaribaşvili bildirib .