Tarixə BİR İLK: 2023-cü ildə planetimizin...

Noyabr ayında dünya əhalisi tarixdə ilk dəfə olaraq 8 milyard nəfərə çatacaq və əvvəlkindən daha yavaş olsa da, böyüməyə davam edəcək.

Publika.az xəbər verir ki, bu barədə "Sinxua" BMT-nin proqnozuna istinadən yazır .

Məqalədə deyilir: “Əhalinin artım tempi 1950-ci ildən bəri ən aşağı göstəricidir, 2020-ci ildə 1%-dən aşağı enir".

Qeyd edilir ki, dünya əhalisi 2030-cu ilə qədər 8,5 milyard, 2050-ci ildə 9,7, 2080-ci illərdə isə 10,4 milyard pik həddinə çata bilər. 2050-ci ilə qədər artımın yarıdan çoxunu Saxaranın cənubundakı ölkələr təmin edəcək.

Hyni zamanda, Hindistan artıq 2023-cü ildə əhalinin sayına görə Çini ötməlidir. 2050-ci ilə qədər proqnozlaşdırılan artımın böyük hissəsi səkkiz ölkədə cəmləşəcək: Konqo Demokratik Respublikası, Misir, Efiopiya, Hindistan, Nigeriya, Pakistan, Filippin və Tanzaniya.

Xatırladaq ki, 1990-cı ildən etibarən dünya əhalisinin artımı problemlərinə diqqəti cəlb etmək üçün 11 iyul Ümumdünya Əhali Günü qeyd edilir.

Hüseyn İbadlı