Seyid Abbas Musəvi Tehrana niyə çağırıldı? - Politoloqun ŞƏRHİ
Bizi izləyin

Dünya

Seyid Abbas Musəvi Tehrana niyə çağırıldı? - Politoloqun ŞƏRHİ

Böyük ehtimalla İranın Bakıdakı səfirinin qəfil Tehrana çağrılması baş verən son hadisələrlə bağlıdır.

Publika.az xəbər verir ki, bu sözləri politoloq Elxan Şahinoğlu İranın xarici işlər naziri Hüseyn Əmir Abdullahianın ölkəsinin Azərbaycandakı səfiri Seyid Abbas Musəvi ilə Tehranda görüşməsi və “iki ölkə arasındakı əlaqələrin inkişaf etdirilməsi istiqamətində səfirə lazımi göstərişlər verməsi” barədə yayılan informasiyanı şərh edərkən bildirib.

Politoloq qeyd edib ki, İsrailin Azərbaycandakı səfirinin “Təbrizin sehrli nağılları” ilə bağlı etdiyi paylaşıma İran səfiri qeyri-diplomatik tərzdə reaksiya vermişdi. Bu reaksiya əks-effekt yaradıb:

“İsrail səfirinin paylaşımı trendə çevrilib, dünyanın müxtəlif ölkələrində “Təbrizin sehrli nağılları” kitabının paylaşımları artıb. İranın xarici işlər nazirinin Azərbaycandakı səfirinə bu hadisə ilə bağlı konkret hansı təlimatı verdiyi məlum olmasa da, Seyid Abbas Musəvinin qeyri-diplomatik reaksiyası olmasaydı, İsrail səfirinin paylaşımı böyük rezonans doğurmazdı. İran səfirinin sərt reaksiyası İsrail səfirinin işinə yaradı”.

(teleqraf.com)

Oxumağa davam et
Reklam
Reklam

Gündəm