Ali nümayəndədən ÜZÜCÜ AÇIQLAMA: "Dünya təhlükəli yerə çevrilib, lazım gələrsə..."

Rusiyanın Ukraynaya genişmiqyaslı işğalının yeddinci ayında Avropa Birliyinin Xarici və Təhlükəsizlik Siyasəti üzrə Ali Nümayəndəsi Cozef Borel Aİ-nin birgə ordusuna ehtiyac olduğunu bildirib.

Publika.az xəbər verir ki, bu barədə "Kronen Zeitung" məlumat yayıb .

"27 ordudan heç biri tək bir Avropa qüvvəsi ilə əvəz edilə bilməz. Biz sadəcə olaraq qüvvələrimizi birləşdirməliyik və daha yaxşı koordinasiya etməliyik və təhlükəsizliyə sərmayə qoymalıyıq", - Aİ-nin yüksək səviyyəli diplomatı deyib.

"Açar söz səmərəlilikdir. Əks halda, bu, pul itkisidir", - Borrell deyib.

O əlavə edib ki, indi Aİ müdafiəyə Çin qədər, Rusiyadan isə 4 dəfə çox vəsait xərcləyir, lakin borc böhranı və tərksilah ucbatından mövcud çağırışlara cavab verə bilmir:

"İqtisadi və mənəvi baxımdan, Aİ qlobal super gücdür. Hərbi, yox. Dünya təhlükəli bir yerə çevrilib. Aİ üzvləri başa düşməlidirlər ki, lazım gələrsə, özümüzü müdafiə etməliyik və bunun üçün alətlərə ehtiyacımız var.

Avstriya kimi neytral dövlətlər Aİ-nin hərbi oriyentasiyasına şübhə ilə yanaşırlar.
Bu gün neytrallıq Soyuq Müharibə dövründə olduğu kimi deyil. Bugünkü neytrallıq Avstriyanın sülhməramlı missiyalarda iştirakına mane olmur. Məsələn, Mali, Bosniya və Mozambik".

Hüseyn İbadlı