Dünya

Etirazlar İrana milyardlarla tümən ziyan vurdu - 200 nəfər öldü

3 Dekabr 2022 16:30

İran Daxili İşlər Nazirliyi son etirazlar zamanı azı 200 nəfərin öldüyünü bildirib.

Publika.az xəbər verir ki, bu rəqəmə ölən təhlükəsizlik işçiləri, günahsız mülki şəxslər, terror hücumlarının qurbanları, iğtişaşçılar və separatçı qrupların üzvləri daxildir.

Nazirlik həmçinin bildirib ki, etirazlar dövlət və özəl təşkilatlara “milyardlarla İran tüməni” (1 trilyon tümən təxminən 200 milyon dollara bərabərdir) ziyanına səbəb olub.

Xatırladaq ki, etirazlar sentyabr ayında 22 yaşlı Məhsa Əmininin ölümündən sonra başlayıb. Baş örtüyü səhv taxdığına görə polis tərəfindən saxlanılan qız az sonra ürək tutmasından dünyasını dəyişib. Media və hüquq müdafiəçiləri polisin ona işgəncə verdiyini iddia ediblər.

Aydan