Dünya

Yeltsinin məzarı üzərində gül buketi peyda oldu - Rusiyadan qaçan Çubaysdan

1 Fevral 2023 15:25

Rusiyanın ilk prezidenti Boris Yeltsinin anadan olmasının 92-ci ildönümü günündə Moskvanın Novodeviç qəbiristanlığındakı məzarı üzərinə “Anatoli Çubaysdan” yazısı olan qırmızı və ağ qızılgül buketi peyda olub.

Publika.az xəbər verir ki, Boris Yeltsin 1991-ci il dekabrın 25-dən 1999-cu il dekabrın 31-dək Rusiya prezidenti olub. O, 2007-ci il aprelin 23-də ürək tutması nəticəsində dünyasını dəyişib və aprelin 25-də Novodeviç qəbiristanlığında dəfn edilib.

Anatoli Çubays Boris Yeltsin prezident olanda, onun administrasiyasının rəhbəri, maliyyə naziri və hökumət sədrinin birinci müavini vəzifələrində çalışıb.

Son illərdə o, Rusiya Federasiyasının hazırkı prezidenti Vladimir Putinin beynəlxalq təşkilatlarla əlaqələr üzrə xüsusi nümayəndəsi olub. O, Rusiya Ukraynaya qarşı müharibəyə başlayandan sonra ölkəni tərk edib.

Aydan