Vaşinqton bunu da etdi: Malofeyevin 5 milyonunu...
Bizi izləyin

Dünya

Vaşinqton bunu da etdi: Malofeyevin 5 milyonunu...

ABŞ rusiyalı iş adamı Konstantin Malofeyevdən müsadirə etdiyi beş milyon dollardan çox vəsaiti Ukraynanın ehtiyaclarına köçürüb.

Publika.az-ın verdiyi xəbərə görə, ABŞ hakimiyyəti sanksiyalar altında rusların aktivlərini ələ keçirir və ilk dəfədir ki, Ukraynaya yardım üçün vəsait göndərilir.

Malofeyev 2014-cü ildə, daha sonra isə 2022-ci ilin aprelində Ukraynanın suverenliyinə və bütövlüyünə xələl gətirmək məqsədi daşıdığı iddia edilən hərəkətlərə görə ABŞ sanksiyalarına məruz qalıb.

Rusiyanın Ukraynada xüsusi əməliyyatının başlamasından sonra Qərb Moskvaya sanksiya təzyiqlərini gücləndirərək, xüsusən də valyuta ehtiyatlarının təxminən yarısını dondurdu. Rusiya prezidentinin mətbuat katibi Dmitri Peskov Rusiyanın dondurulmuş maliyyəsinin Kiyevə köçürülməsinin mümkünlüyündən danışarkən qeyd edib ki, əmlakın müsadirə olunması, təyyarələrin, əmlakın həbsi, rusiyalı iş adamlarına qarşı sanksiyalar Qərbdə özəl mülkiyyətin müqəddəsliyinin çökdüyünü və orada biznes qurmağın təhlükəsini nümayiş etdirir.

Ayşən

Oxumağa davam et
Reklam
Reklam

Gündəm