"Böyük hadisələr" baş verəcək - Ukrayna XİN

Ukrayna Xarici İşlər Nazirliyi xüsusi əməliyyatın başlanmasının ildönümündə “böyük hadisələr” vəd edib.

Publika.az “RİA Novosti”yə istinadən xəbər verir ki, Ukraynanın xarici işlər naziri Kuleba fevralın 24-də Nyu-Yorkda “böyük hadisələrin” baş verəcəyini bildirib

Siyasətçi qeyd edib ki, fevralın 23 və 24-də Nyu-Yorkda bir sıra siyasi və diplomatik qərarların qəbulu gözlənilir. “Bir çox mühüm siyasi siqnallar olacaq, sanksiyalar, silahlarla bağlı qərarlar olacaq, birlik simvolları olacaq və bu, bütün səviyyələrdə baş verəcək”, - deyə Ukrayna Xarici İşlər Nazirliyinin rəhbəri bildirib.

Bundan əvvəl, fevralın 13-də məlum olmuşdu ki, BMT Baş Assambleyası Qərb ölkələrinin təklif etdiyi “Ukraynada hərtərəfli, ədalətli və davamlı sülhün əsasını təşkil edən prinsiplər haqqında” daha bir anti-Rusiya qətnamə layihəsini araşdırır. Qətnamə Ukrayna prezidenti Vladimir Zelenskinin ərazilərin, o cümlədən Krımın Kiyevə verilməsini ehtiva edən sülh planını açıq şəkildə əks etdirir.

Mehti Kamiloğlu