Rusiyanın Ukraynaya təcavüzü Almaniyanın bu prinsipini dəyişib

Almaniyanın vitse-kansleri Robert Habek gələcəkdə alman silahlarının dəyər əsasında ixracına çağırıb.

Publika.az xəbər verir ki, bu barədə “Wirtschaftswoche” nəşri məlumat yayıb.

Habekin fikrincə, ixrac qərarlarını təsdiq edən zaman bu sual verilməlidir: “Təqsirkar kimdir, qurban kim?”

“Müharibə zonalarına silah tədarükü ilə bağlı tam tabunun aradan qaldırılması faktı, fikrimcə, Ukrayna ilə bağlı düzgün qərardır”, -deyə Habek bildirib.

“Ümumi siyasi təcrübə baxımından bu, yalnız o demək ola bilər ki, biz gələcəkdə ixrac lisenziyası verərkən kimin günahkar, kimin qurban, təcavüzkar və himayəçi olduğunu özümüzdən soruşmalı və müvafiq qərarlar qəbul etməliyik”, - o əlavə edib.

Habekin fikrincə, Almaniya “dəyərlər baxımından bizə yaxın olan tərəfdaşlarımız olan” ölkələrə silah verməli və diktaturalara qarşı daha sərt olmalıdır: “Almaniya İkinci Dünya Müharibəsindən bəri münaqişə bölgələrinə silahların çatdırılmaması qaydasına əməl edir, lakin Rusiyanın Ukraynaya qarşı genişmiqyaslı təcavüzü hər şeyi dəyişib".

Ayşən