Rusiya ilə sərhəddə elektron baryer quraşdırırlar

"Polşa sərhəddə vəziyyətə daha yaxşı nəzarət etmək üçün Rusiya Federasiyasının Kalininqrad vilayəti ilə sərhəddə elektron şlaqbaum tikintisinə başlayıb".

Publika.az xəbər verir ki, bunu mətbuat konfransında Polşanın daxili işlər naziri Mariuş Kaminski bildirib.

"Polşa-Rusiya sərhədində elektron şlaqbaumun tikintisinə başlanılıb. İşlər bu ilin payızında başa çatacaq. Rusiya ilə sərhəddə baş verənlərə tam nəzarət edəcəyik. Sərhədin 199 kilometrliyində elektron maneə, yəni kameralar və hərəkət sensorları sistemi quraşdırılacaq. O, bir neçə ildir ki, sərhədin elektron cihazlarla qorunduğu Vistula Spit istisna olmaqla, Rusiya ilə bütün quru sərhədini əhatə edəcək. Təhlükəsizlik maneəsi bölməsi 12 funksional hissəyə bölünəcək. Burada 2000-ə yaxın videomüşahidə dirəyi, 3000 videokamera və 700 km enerji, ötürücü və siqnal kabelləri quraşdırılacaq", - nazir deyib.

"Mən əminəm ki, bizim şərq sərhədimiz böhran vəziyyətləri ilə bağlı istənilən qanunsuz hərəkətlərə mükəmməl hazır olacaq. Əminəm ki, bu, Avropa İttifaqında ən yaxşı qorunan sərhəd olacaq", - nazir bildirib.

Ayşən