Dünya

Rusiya qırıcıları öz ərazilərini bombalayır: Moskva şokda

3 May 2023 16:20

Ukraynaya hava hücumu həyata keçirmək istəyən Rusiya döyüş təyyarələrindən atılan raketlərin Rusiyanın öz ərazisinə düşdüyü bildirilib.

Publika.az xəbər verir ki, Rusiya Ukraynanın şərqindəki “son qalanı" - Baxmutu ələ keçirmək üçün hücuma keçərkən, Ukraynadan gələn xəbərlər Moskvada "soyuq duş" effekti yaradıb.

Britaniyanın "Metro" qəzetində yer alan xəbərə görə, Rusiyanın Tu-95MS bombardmançı təyyarəsi Ukraynadakı hədəfləri vurmaq üçün havaya qalxıb. Atılan üç raket hədəfə çatmamış yerə düşüb.

Rusiya hərbi mənbəsinə görə, sözügedən səhv nəticəsində Rusiya əraziləri vurulmuş ola bilər.

Eyni mənbə uğursuzluğun səbəbinin Qərbin sanksiyaları ola biləcəyini və hərbi texnika istehsal edən şirkətlərin lazımi avadanlıqları ala bilmədiyi üçün keyfiyyətsiz məhsul istehsal etmək məcburiyyətində qaldıqlarını bildirib.

Aydan